Барыс Ігаравіч Звозскаў

Барыс Ігаравіч Звозскаў
Род дзейнасці	палітык, праваабаронец
Дата нараджэння	26 лютага 1949(1949-02-26)
Месца нараджэння	Белагорск, Белагорскі раён[d], Амурская вобласць, РСФСР, СССР
Дата смерці	17 чэрвеня 2012(2012-06-17) (63 гады)
Месца смерці	Лясны, Бараўлянскі сельсавет, Мінскі раён, Мінская вобласць, Беларусь
Альма-матар	Санкт-Пецярбургскі дзяржаўны электратэхнічны ўніверсітэт
Партыя	Аб’яднаная грамадзянская партыя

Барыс Ігаравіч Звозскаў (26 лютага 1949(1949-02-26), Белагорск, Амурская вобласць — 17 чэрвеня 2012(2012-06-17), Лясны, Мінская вобласць) — беларускі праваабаронца, грамадскі дзеяч, першы прэзідэнт Беларускага дома правоў чалавека (Вільнюс, Літва, 2007—2010), адзін з заснавальнікаў аб’яднанняў «Хельсінкі XXI» і «Прававая ініцыятыва».

Біяграфія

Нарадзіўся 26 лютага 1949 года ў Белагорску (РСФСР).

Скончыў Ленінградскі электратэхнічны інстытут. З 1996 года займаўся праваабарончай дзейнасцю, практычнай абаронай у палітычна матываваных судовых працэсах, удзельнічаў у экспертызе шэрагу законапраектаў. З 1998 года займаўся прававой асветай у сферы праваабароны, быў сярод актыўных удзельнікаў працэсу стварэння і развіцця Беларускага дома правоў чалавека. У 2007—2010 гадах з’яўляўся прэзідэнтам Дома правоў чалавека.

Памёр 17 чэрвеня 2012 года ў рэанімацыі анкалагічнага цэнтра ў Бараўлянах.

Узнагароды

• Прэмія «Праваабаронца года Беларусі» (2008).

Ушанаванне памяці

31 ліпеня 2013 года была афіцыйна зацверджаная назва Беларускага дома правоў чалавека ў Вільнюсе — Беларускі дом правоў чалавека імя Барыса Звозскава.

Літаратура

• Грамадзянін і следства: прававыя і псіхалагічныя аспекты / [Б. Звозкаў, Е. Лабановіч] — Мінск, 1999.

Спасылкі

• http://humanrightshouse.org/Articles/18224.html Архівавана 2 чэрвеня 2016.
• http://nashaniva.by/?c=ar&i=75439
• http://humanrightshouse.org/Articles/19449.html Архівавана 12 лістапада 2017.
• http://hrwatch-by.org/en/node/541?page=2(недаступная спасылка)
• http://www.svaboda.org/a/24831002.html
• http://novychas.by/hramadstva/u_minsku_nazvali_laureatau_pra
• http://gomelspring.org/be/news/1551(недаступная спасылка)