Белазубка белабрухая

	Белазубка белабрухая
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Другаснаротыя
Тып:	Хордавыя
Падтып:	Пазваночныя
Інфратып:	Сківічнаротыя
Надклас:	Чатырохногія
Клас:	Млекакормячыя
Падклас:	Звяры
Інфраклас:	Плацэнтарныя
Атрад:	Землярыйкападобныя
Сямейства:	Землярыйкавыя
Падсямейства:	Crocidurinae
Род:	Белазубкі
Від:	Белазубка белабрухая
Міжнародная навуковая назва
	Crocidura leucodon Hermann, 1780
Арэал
ITIS	633616
NCBI	109474
EOL	1178809

Белазубка белабрухая (Crocidura leucodon) — дробнае млекакормячае сямейства землярыйкавых.

Апісанне

Даўжыня цела каля 5,4—7,8 см, хваста 2,8—3,8 см, ступні 1,2—1,3 см; маса цела 6—13 г. Поўсць мяккая, кароткая, аксаміцістая, на спіне і баках вохрыста-шэрая, буравата-шэрая або чорна-бурая, на бруху белая (адсюль назва). Хвост адносна кароткі і патоўшчаны, на ім рэдкія доўгія валаскі. Вушы параўнальна вялікія, зубы белыя

Пашырэнне

Пашырана ў Заходняй і Сярэдняй Еўропе, сустракаецца на Украіне, Каўказе, у Закаўказзі, паўднёва-заходняй Сібіры, Казахстане, Сярэдняй Азіі. На Беларусі рэдкі від, арэал якога абмежаваны паўднёвым захадам, звяркоў адлоўлівалі на лясных высечках, зарослых хмызняком.

Асаблівасці біялогіі

Корміцца беспазваночнымі, пераважна жукамі і іх лічынкамі.

Размнажаецца на працягу вясенне-летняга перыяду. У памёце 5-10 дзіцянят.

Літаратура

Белазубка белабрухая // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 266.
Гричик В. В., Бурко Л. Д. Животный мир Беларуси. Позвоночные: учеб. пособие. — Мн.: Изд. центр БГУ, 2013. — 399 с. ISBN 978-985-553-128-0