Землярыйкавыя

Землярыйкавыя
Буразубка звычайная (Sorex araneus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чатырохногія Клас:  Млекакормячыя Падклас:  Звяры Інфраклас:  Плацэнтарныя Атрад:  Землярыйкападобныя Сямейства:  Землярыйкавыя
Міжнародная навуковая назва
Soricidae G. Fischer, 1817
Сістэматыка на Віківідах Выявы на Вікісховішчы ITIS   179927 NCBI   9376 EOL   6874258 FW   40443

Землярыйкі, землярыйкавыя (Soricidae) — сямейства млекакормячых з атрада Soricomorpha. Раней землярыек адносілі да атрада насякомаедных, цяпер састарэлага.

Апісанне

Даўжыня цеяа 3,5—18 см, хваста 1—12 см, маса 1,2—150 г (самыя дробныя млекакормячыя). Вонкава нагадваюць мышэй, адрозніваюцца рухомым, выцягнутым у хабаток носам. Хвост доўгі з валасамі. Валасяное покрыва аксаміцістае, роўнае.

Распаўсюджанне

Выдзяляецца 21 род, каля 300 відаў. Пашыраны ў Еўразіі, Афрыцы, Паўночнай Амерыцы і на паўночным захадзе Паўднёвай Амерыкі. Большасць відаў вядзе наземны, падземны, некаторыя паўводны спосаб жыцця. Жывуць ад тундры да пустынь. На Беларусі 7 відаў з родаў белазубак, буразубак, кутор.

Асаблівасці біялогіі

Размнажаюцца 1—3 разы на год. Кормяцца насякомымі і іх лічынкамі — шкоднікамі сельскай і лясной гаспадаркі.

Носьбіты інфекцый.

Літаратура

• Землярыйкі // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 58. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).