Беларускі саюз жанчын

Беларускі саюз жанчын
БСЖ
Місія	сацыяльная падтрымка жанчын
Дата заснавання	14 снежня 1991
Тып	грамадскае аб’яднанне
Колькасць удзельнікаў	183 000
старшыня	Марыяна Акіндзінаўна Шчоткіна
Сайт	oobsg.by

ГА «Беларускі саюз жанчын» — беларуская некамерцыйная арганізацыя.

Гісторыя і склад

Створана 14 снежня 1991 года. На добраахвотнай аснове аб’ядноўвае жаночыя саветы, створаныя ва ўсіх абласцях, раёнах, гарадах, у многіх працоўных калектывах і навучальных установах і па месцы жыхарства. У саюзе больш за 183 тысячы жанчын, дзейнічае звыш чатырох тысяч пярвічных арганізацый. Вышэйшым органам «Беларускага саюза жанчын» з’яўляецца канферэнцыя, якая збіраецца не радзей 1 разу ў 5 гадоў. У перыяд паміж канферэнцыямі пастаянна дзеючым кіруючым органам з’яўляецца Праўленне БСЖ, выканаўчым — Прэзідыум БСЖ.

Мэты

1. Павышэнне статусу жанчын у грамадстве, іх ролі ва ўсіх галінах жыцця краіны;
2. Дасягненне грамадзянскай згоды ў грамадстве, міру паміж народамі, ліквідацыя ўсіх формаў гвалту і дыскрымінацыі;
3. Арганізацыя асветніцкай і кансультацыйнай дзейнасці;
4. Садзейнічанне ахове і паляпшэнню здароўя жанчын, павышэнню якасці жыцця ўсіх грамадзян рэспублікі;
5. Ажыццяўленне дабрачыннай дзейнасці;
6. Абарона правоў жанчын, дзяцей, умацаванне сям’і;
7. Ажыццяўленне міжнароднай дзейнасці метадамі жаночай дыпламатыі.

Прэзідыум

• Старшыня — Марыяна Акіндзінаўна Шчоткіна
• 1-ы намеснік старшыні — Святлана Уладзіміраўна Сітнікава
• Намеснік старшыні — Лілія Станіславаўна Ананіч
• Намеснік старшыні — Надзея Андрэеўна Ермакова
• Намеснік старшыні — Антаніна Пятроўна Морава

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх