Белыя лаўкі

З пляцоўкі Вікіпедыя
Jump to navigation Jump to search
Гандлёвыя рады
Белыя лаўкі
Biełyja Ławki 2920.jpg
52°33′22,20″ пн. ш. 24°27′20,84″ у. д.HGЯO
Краіна Беларусь
Места Пружаны
Архітэктурны стыль класіцызм з рысамі барока
Дата заснавання 1867
Статус ахоўваецца дзяржавай
Матэрыял цэгла
Стан дзейны

Гандлёвыя рады «Бе́лыя ла́ўкі» — помнік грамадзянскай архітэктуры XIX стагоддзя ў Пружанах Брэсцкай вобласці. Пабудаваныя ў 1867 годзе з цэглы. Архітэктары — Міхайлоўскі і Савіч.

Гісторыя[правіць | правіць зыходнік]

Збудаваныя на месцы старых драўляных гандлёвых радоў паводле праекту гарадзенскага губернскага архітэктара Міхайлоўскага і епархіяльнага архітэктара Т. Савіча. Першапачаткова мелі праезд ва ўнутраны дворык для падвозу і захоўвання тавараў[1].

Архітэктура[правіць | правіць зыходнік]

Гандлёвая плошча перад Белымі лаўкамі, 1917

Помнік грамадзянскай архітэктуры XIX стагоддзя з рысамі барока і класіцызму. Цікавыя як рэдкі ўзор грамадзянскай манументальнай архітэктуры[1].

Прамавугольны ў плане двухпавярховы будынак накрыты двухсхільным дахам з франтонамі на тарцах. 2 рады гандлёвых ячэек утвораныя масіўнымі аркадамі з абодвух падоўжных фасадаў. Насупраць інтэрвалаў паміж слупамі арак неглыбокія прамавугольныя нішы ў сценах, у якіх размешчаныя дзверы і вітрыны гандлёвых памяшканняў.

Колішні праезд пасярэдзіне падкрэслены трохпралётнымі рызалітамі, апрацаванымі пілястрамі і завершанымі фігурнымі франтонамі.

Зноскі

  1. 1,0 1,1 Чантурия В. А. Архитектурные памятники Белоруссии. — Мн.: Полымя, 1982. — С. 41—42. — 30 000 экз.

Літаратура[правіць | правіць зыходнік]

  • Архітэктурныя помнікі Пружаншчыны // Памяць: Гіст.-дакум. хроніка Пружан. р-на / Беларус. Энцыкл.; Рэдкал. І. П. Шамякін (гал. рэд.) і інш.; Маст. А. М. Хількевіч. — Мн.: БелЭн, 1992. ISBN 5-85700-094-7. — С. 39.
  • Свод памятников истории и культуры Белоруссии. Брестская область // / Редкол.: С. В. Марцелев (гл. ред.) и др. — Мн.: БелСЭ, 1990. — 424 с. — ISBN 5-85700-017-3.

Спасылкі[правіць | правіць зыходнік]