Берлінскі батанічны сад

Берлінскі батанічны сад?
	ням.: Botanischer Garten und Botanisches Museum Berlin
Асноўная інфармацыя
Тып	батанічны сад, батанічны музей[d] і гербарый
Плошча	43 га;
Дата заснавання	1897
	bo.berlin (ням.) (англ.)
Размяшчэнне
	52°27′18″ пн. ш. 13°18′13″ у. д.HGЯO
Медыяфайлы на Вікісховішчы

Берлінскі батанічны сад (ням.: Botanischer Garten und Botanisches Museum Berlin-Dahlem) — адзін з найбуйнейшых і найстарэйшых батанічных садоў Германіі і свету.

Сад размешчаны ў наваколлі Далема берлінскай адміністрацыйнай акругі Штэгліц-Цэлендорф. Ён быў пабудаваны паміж 1897 і 1910 годамі, пад кіраўніцтвам вядомага батаніка Адольфа Энглера, з тым намерам, каб прадставіць экзатычныя расліны з нямецкіх калоній. Пасля смерці Энглера згодна з яго воляй ен быў пахаваны ў створаным ім садзе.

Гісторыя[правіць | правіць зыходнік]

Берлінскі Батанічны сад мае гісторыю больш чым 300 гадоў. Папярэднік сада быў створаны ў пачатку 17 стагоддзя, і спачатку знаходзіўся ў садах замка Берліна. У 1679 Вялікі курфюрст даў указанне, каб адкрыць сельскагаспадарчы сад, які быў закладзены ў Шонебергу, вёсцы недалёка ад Берліна (цяпер адзін з яго раёнаў), на месцы цяперашняга парка ням.: Heinrich-von-Kleist.^[1] Карл Людвіг Вілдэноф дамогся, каб сад быў аддадзены ў 1809 годзе Берлінскаму ўніверсітэту, пасля чаго сад развіўся да сусветнавядомага ды прызнанага «Батанічнага сада» з навуковым характарам працы.

Склад сада[правіць | правіць зыходнік]

Батанічны сад з’яўляецца часткай Свабоднага ўніверсітэта Берліна. Батанічны музей (ням.: Botanisches Museum) з вялікім гербарыям (ням.: Herbarium Berolinense) і буйная навуковая бібліятэка таксама з’яўляюцца часткай сада.

Батанічны сад уключае ў сябе плошчу ў 43 гектара.^[2] У садзе вырошчваецца каля 22.000 розных відаў раслін. Комплекс складаецца з некалькіх будынкаў і аранжарэй, такіх як Кактусавы павільён і павільён Вікторыя (у якім знаходзяцца калекцыя архідэй, казуркаядных раслін і гіганцкая вадзяная белая лілея Victoria-Seerosen). Агульная плошча ўсіх аранжарэй складае 6000 м². Тыя часткі сада, якія знаходзяцца пад адкрытым небам, сартуюцца па геаграфічнаму паходжанню і маюць агульную плошчу 13 га. Дэндрарый саду складае 14 гектараў.

Найбольш вядомая частка саду — Вялікі павільён (ням.: Das Große Tropenhaus), найбуйнейшая аранжарэя ў свеце. Будынак сталёвай канструкцыі пакрыты шклом, дасягае 25 метраў у вышыню, займае плошчу 30 на 60 метраў. Тэмпература ўсярэдзіне збудавання падтрымліваецца на ўзроўні 30 °C пры высокай вільготнасці паветра. Сярод шматлікіх трапічных раслін, у павільёне расце гіганцкі бамбук.

Час працы[правіць | правіць зыходнік]

Батанічны сад працуе штодзенна, акрамя 24 снежня. Аранжарэі, касы і ўваход у парк зачыняюцца за 30 хвілін да заканчэння працы.

№	Месяц	Адкрыцце	Закрыцце	Заўвагі
1	Студзень	9.00	16.00
2	Люты	9.00	17.00
3	Сакавік	9.00	18.00	31 сакавіка 2012 сад будзе адчынены з 8.00
4	Красавік	9.00	20.00	З 28 красавіка па 30 красавіка 2012 года сад будзе зачыняцца 21.00
5	Май	9.00	21.00
6	Чэрвень	9.00	21.00
7	Ліпень	9.00	21.00
8	Жнівень	9.00	20.00
9	Верасень	9.00	19.00	1 і 2 верасня 2012 сад адчыняецца ў 8.00
10	Кастрычнік	9.00	18.00
11	Лістапад	9.00	16.00
12	Снежань	9.00	16.00

Батанічны музей працуе штодзенна з 10.00 да 18.00, акрамя 24 снежня.

Бібліятэка працуе з панядзелка па патніцу з 9.00 да 18.00 (у час летніх вакацый час працы скарачаецца).

Транспарт[правіць | правіць зыходнік]

Батанічны сад знаходзіцца ў паўднёва-ўсходняй часцы Берліна. Грамадскім транспартам можна дабрацца:

метрапалітэнам лініі U9 да станцыі Rathaus Steglitz, далей аўтобусам № Х83 да прыпынку Kunigin-Luise-Platz/Botanischer Garten ці аўтобусам № М48 да прыпынку Botanischer Garten;
метрапалітэнам лініі U3 да станцыі Rathaus Steglitz, далей аўтобусам № Х83 да прыпынку Kunigin-Luise-Platz/Botanischer Garten ці аўтобусам № Х83 ды 101 да прыпынку Kunigin-Luise-Platz/Botanischer Garten^[3];
хуткім трамваем S1 да прыпынку Botanischer Garten далей 10 хвілін пешшу.

Кошт уваходу[правіць | правіць зыходнік]

Уваходны квіток на дзень:

Дарослыя — 6€,
Ільготны квіток — 3€,
Сямейны — 12€,
Летні вячэрні квіток (уваход пасля 17.00) — 3€.

Абанемент на год:

Дарослыя — 50€,
Ільготны — 20€,
Сямейны — 100€.

Уваход толькі ў Батанічны Музей:

Дарослыя — 2,5€,
Ільготны — 1,5€,
Сямейны — 0,5€.^[4]

Зноскі

↑ http://www.bgbm.org/bgbm/pr/kurzinfo/briefing/garten.htm Архівавана 28 чэрвеня 2010. англ.: Афіцыйны сайт Батанічнага сада
↑ http://www.bgbm.org/BGBM/garden/default.htm Архівавана 4 лістапада 2011. ням.: Афіцыйны сайт Батанічнага сада
↑ http://archive.travel.ru/germany/map/metro_berlin.html Схема Берлінскага метрапалітэна
↑ http://www.bgbm.org/BGBM/pr/about/FEES.HTM Архівавана 1 кастрычніка 2011. англ.: Кошт уваходу на афіцыйным сайце

Спасылкі[правіць | правіць зыходнік]

ням.: , англ.: Афіцыйны сайт Берлінскага батанічнага сада
ням.: Сайт Свабоднага ўніверсітэта Берліна Архівавана 27 лютага 2010.

[1] ttp://www.bgbm.org/bgbm/pr/kurzinfo/briefing/garten.htm Архівавана 28 чэрвеня 2010. англ.: Афіцыйны сайт Батанічнага сада

[2] ttp://www.bgbm.org/BGBM/garden/default.htm Архівавана 4 лістапада 2011. ням.: Афіцыйны сайт Батанічнага сада

[3] ttp://archive.travel.ru/germany/map/metro_berlin.html Схема Берлінскага метрапалітэна

[4] ttp://www.bgbm.org/BGBM/pr/about/FEES.HTM Архівавана 1 кастрычніка 2011. англ.: Кошт уваходу на афіцыйным сайце

[1]

[2]

[3]

[4]