Бернар Бюфэ

Бернар Бюфэ
фр.: Bernard Buffet
Род дзейнасці	мастак, мастак-гравёр, ілюстратар, рысавальнік
Дата нараджэння	10 ліпеня 1928(1928-07-10)[…]
Месца нараджэння	IX акруга Парыжа, дэпартамент Сена
Дата смерці	4 кастрычніка 1999(1999-10-04)[…] (71 год)
Месца смерці	Tourtour[d], дэпартамент Вар[…]
Грамадзянства	Францыя
Жонка	Annabel Buffet[d]
Альма-матар	Нацыянальная вышэйшая школа прыгожых мастацтваў Ліцэй Карно[d]
Член у	Нацыянальны камітэт французскай гравюры[d] Акадэмія прыгожых мастацтваў[d]
Узнагароды і прэміі
Медыяфайлы на Вікісховішчы

Бернар Бюфэ (франц. Bernard Buffet; 10 верасня 1928, Парыж — 4 кастрычніка 1999, Туртур) — французскі мастак, шырока прызнаны да дваццаці гадоў за свае працы, якія нясуць хмурны, меланхалічны настрой і адлюстроўваюць атмасферу, якая панавала пасля Другой сусветнай вайны. Вядомы сваім выразна выяўленым замалёвачным стылем. Быў блізкі неарэалістычным тэндэнцыям, аднак крытыка часцей адносіла яго да мізерабілізму — Бюфэ ў гэтыя гады быў ключавой фігурай дадзенай плыні.

Біяграфія

Бернар Бюфэ нарадзіўся ў Парыжы, дзе вывучаў мастацтва ў Школе прыгожых мастацтваў (École Nationale Supérieure des Beaux-Arts, 1943—1945). Сярод яго аднакласнікаў былі Марыс Буатэль і Луіс Вуйлермоз.

Працаваў у майстэрні мастака Эжэна Нарбона.

Пры падтрымцы гандляра карцінамі Марыса Гарн’ера Бернар Бюфэ бесперапынна працаваў, ствараючы рэлігійныя карціны, пейзажы, партрэты і нацюрморты. У 1961 годзе мастак піша серыю карцін, якія паказваюць жыццё Хрыста, прызначанага для ўпрыгожвання капліцы замка Арк у муніцыпалітэце Фюво. Праз дзесяць гадоў, па просьбе Папы Рымскага Паўла VI, Бюфэ прапануе гэтыя карціны ў музей Ватыкана, дзе яны выстаўлены ў асобным пакоі.

Штогод праводзілася хаця б адна яго асноўная выстава да самагубства 4 кастрычніка 1999 г. у сябе дома ў Туртуры на поўдні Францыі. 4 кастрычніка 1999 гады ва ўзросце 71 год Бюфэ, пакутуючы ад хваробы Паркінсона, быў больш не ў стане працаваць так, як яму жадалася. Паліцыя сцвярджае, што Бюфэ памёр каля 4 гадзін вечара, надзеўшы на галаву пластыкавы пакет і замацаваўшы яго клейкай стужкай вакол шыі.

Бернар Бюфэ быў жанаты з пісьменніцай і спявачкай Аннабель Бюфэ. Член журы Канскага кінафестывалю 1958 года. Бюфэ стварыў больш за 8000 карцін, а таксама мноства гравюр.

25 лістапада 1973 года ў камуне Нагаідзумі прэфектуры Сідзуока, Японія, быў адкрыты Музей Бернара Бюфэ, заснаваны Кіічыра Акано (1917—1995). У 1988 годзе музей быў пашыраны. Пасля смерці Бюфэ прах мастака быў развеяны ў садзе музея.