Бода Ільгнер

Бода Ільгнер
Агульная інфармацыя
Нарадзіўся	7 красавіка 1967(1967-04-07) (53 гады) Кобленц, Рэйнланд-Пфальц, ФРГ
Грамадзянства	Германія
Рост	190 см
Вага	92 кг
Пазіцыя	брамнік
Маладзёжныя клубы
1973—1983 Хартберг
Клубная кар’ера
1983—1996 Кёльн 326 (-333) 1996—2001 Рэал Мадрыд 91 (-74)
Нацыянальная зборная
1985—1987 Германія (да 21) 7 (0) 1987—1994 Германія 54 (-56)
Узнагароды і медалі
Чэмпіянаты свету Золата Італія 1990 Чэмпіянаты Еўропы Бронза ФРГ 1988 Срэбра Швецыя 1992
Бода Ільгнер на Вікісховішчы

Бода Ільгнер (ням.: Bodo Illgner; нар. 7 красавіка 1967) — нямецкі футбаліст, брамнік. Чэмпіён свету 1990 у складзе нацыянальнай зборнай ФРГ. Прызёр чэмпіянатаў Еўропы 1988 (бронза) і 1992 (серабро). Найлепшы брамнік Еўропы 1991. Выступаў за клубы «Кёльн» і «Рэал Мадрыд».

Бода Ільгнер з’яўляецца выхаванцам клуба рэгіянальнай нямецкай лігі «Хартберг». У 1983 годзе ён перайшоў у «Кёльн», у якім стаў дублёрам знакамітага брамніка зборнай Германіі Тоні Шумахера. З 1987 года Ільгнер стаў асноўным брамнікам «Кёльна», а неўзабаве і нямецкай зборнай (яго дэбют у зборнай адбыўся 23 верасня 1987 года ў матчы са зборнай Даніі, немцы выйгралі з лікам 1:0). На чэмпіянаце свету 1990 Ільгнер быў асноўным брамнікам зборнай Германіі. Яго ўпэўненая гульня пры падтрымцы моцных абаронцаў, Клаўса Аўгенталера, Андрэаса Брэмэ, Томаса Бертальда, Юргена Колера і Гвіда Бухвальда, стала адной з прычын поспеху Германіі. У паўфінале чэмпіянату са зборнай Англіі Ільгнер адбіў удар Сцюарта Пірса ў пасляматчавай серыі пенальці, а фінале захаваў свае вароты сухімі, чаго раней не ўдавалася ніводнаму брамніку.

Літаратура

• Руднік В. Чэмпіёны свету па футболе 1930—2006. — Беласток: «Set-Print», 2006.

Спасылкі

• Профіль на сайце transfermarkt.com (англ.) 
• Статыстыка на сайце National Football Teams (англ.) 
• Профіль на сайце BDFutbol.com (англ.) 
• Статыстыка на сайце UEFA.com (руск.) 
• Статыстыка на сайце FIFA (англ.) 
• Профіль на сайце fussballdaten.de (ням.)