Берці Фогтс

Берці Фогтс
Трэнер зборнай Азербайджана Берці Фогтс падчас адборачнага матча ЧС 2014 з Расіяй. Масква, 2012
Агульная інфармацыя
Поўнае імя	Ханс-Хуберт Фогтс
Мянушка	Тэр'ер, Мак-Берці
Нарадзіўся	30 снежня 1946(1946-12-30)[…] (79 гадоў) Бютген[d], Карст, раён Рэйн-Нойс, адміністрацыйная акруга Дзюсельдорф, Паўночны Рэйн-Вестфалія, Брытанская зона акупацыі Германіі
Грамадзянства	Германія
Рост	168 см
Вага	67 кг
Пазіцыя	абаронца
Клубная кар’ера
1965—1979 Барусія Мёнхенгладбах 419 (32)
Нацыянальная зборная
1967—1978 Германія 96 (1)
Трэнерская кар’ера
1990—1998 Германія 2000—2001 Баер 04 2001—2002 Кувейт 2002—2004 Шатландыя 2007—2008 Нігерыя 2008—2014 Азербайджан
Узнагароды і медалі
Чэмпіянаты свету Бронза Мексіка 1970 Золата ФРГ 1974 Чэмпіянаты Еўропы Золата Бельгія 1972 Срэбра Югаславія 1976
Медыяфайлы на Вікісховішчы

Ханс-Хуберт Фогтс (ням.: Hans-Hubert Vogts; нар. 30 снежня 1946, Бютген, Паўночны Рэйн-Вестфалія), больш вядомы як Берці Фогтс (ням.: Berti Vogts) — нямецкі футбаліст (абаронца) і трэнер. Чэмпіён свету 1974 у складзе нацыянальнай зборнай ФРГ. Чэмпіён Еўропы як гулец (1972) і як трэнер (1996).

Клубная кар’ера

Берці Фогтс пачаў свой шлях у футболе ў 1959 годзе ў складзе дзіцячай каманды «Бютгена». У складзе гэтага клуба ён выступаў да пераходу ў «Барусію» (Мёнхенгладбах) у 1965 годзе. У гэтай камандзе ён і правёў усю сваю кар’еру на высокім узроўні, выступаючы на пазіцыі правага абаронцы. У 70-х гадах ён быў адным з ключавых гульцоў каманды. За гульнявыя якасці Фогтс атрымаў мянушку «Тэр’ер». За кар’еру ён пяць разоў станавіўся чэмпіёнам Германіі, адзін раз выйграў кубак краіны і двойчы Кубак УЕФА. Усяго за кар’еру Берці Фогтс правёў 419 матчаў і забіў 32 мяча ў чэмпіянаце Германіі, таксама на яго рахунку 64 гульні і 8 мячоў у еўракубках. Кар’еру гульца Берці Фогтс завяршыў у 1979 годзе.

Літаратура

• Руднік В. Чэмпіёны свету па футболе 1930—2006. — Беласток: «Set-Print», 2006.

Спасылкі

• Легенды кубка свету