Перайсці да зместу

Браканіды

З Вікіпедыі, свабоднай энцыклапедыі
Браканіды

Наезнік Aleiodes indiscretus, заражае вусеня няпарнага шаўкапрада
Навуковая класіфікацыя
Міжнародная навуковая назва

Braconidae Nees von Esenbeck, 1819


Сістэматыка
на Віківідах

Выявы
на Вікісховішчы
ITIS  152867
NCBI  7402
EOL  661
FW  71985

Браканіды (Braconidae) — сямейства паразітычных насякомых атрада перапончатакрылых.

Апісанне[правіць | правіць зыходнік]

Цела даўжынёй 1—5 мм, жоўтае, або карычневата-жоўтае, з сцябліністым брушкам. Маюць дзве пары празрыстых крылаў з адной зваротнай жылкай на пярэдніх крылах, трапляюцца і бяскрылыя формы. Вяртлюгі ног двухчленікавыя, лапкі пяцічленікавыя. Вусікі шматчленістыя. Брушка ў самкі з вельмі доўгім яйцакладам (да 15 мм).

Пашырэнне[правіць | правіць зыходнік]

Касмапаліты. У сусветнай фаўне выяўлена каля 1000 родаў і звыш 20000 відаў.

Асаблівасці біялогіі[правіць | правіць зыходнік]

Дарослыя кормяцца пераважна паддзю і нектарам раслін, самкі некаторых відаў — гемалімфай насякомых-гаспадароў. Наезнікі-браканіды першасныя (зрэдку другасныя) энда- або эктапаразіты (адзінкавыя або групавыя) насякомых пэўных атрадаў: лускакрылых, жукоў, двухкрылых, клапоў.

Плоднасць да 1—2 тыс. яец. У некаторых відаў адзначаецца здольнасць размнажацца без апладнення (з неаплодненых яец развіваюцца самцы — арэнатакія), а таксама поліэмбрыянія (размнажэнне на стадыі яйца). Лічынкі бязногія, з 11-13 сегментаў, голыя або ўкрытыя шчацінкамі, з хвастом (у эндапаразітаў). У развіцці лічынак эктапаразітаў адзначаецца пяць, эндапаразітаў — тры ўзросты.

Працягласць жыцця дарослых два-тры (зрэдку больш) месяцаў. За год ад аднаго да пяці і больш пакаленняў. Зімуюць лічынкі ў коканах на раслінах або ў целе гаспадароў.

Падсямействы[правіць | правіць зыходнік]

У сямейства ўключаюць наступныя падтаксоны:

Значэнне[правіць | правіць зыходнік]

Некаторыя віды выкарыстоўваюць у біялагічнай барацьбе са шкоднымі насякомымі.

Зноскі

  1. Telengaiinae Tobias 1962 Архівавана 7 лістапада 2014..
  2. Tobias V. I. 1962. A new subfamily of Braconids (Hymenoptera, Braconidae) from Central Asia. Trudy Zoologicheskogo Instituta. Akad. Nauk SSSR 30: 268—270.

Літаратура[правіць | правіць зыходнік]