Браняносец «Пацёмкін» (фільм)

Браняносец «Пацёмкін»
Жанр	прапагандысцкі фільм[d] і нямое кіно
Рэжысёр	Сяргей Міхайлавіч Эйзенштэйн
Прадзюсар	Yakov Bliokh[d]
Сцэнарыст	Сяргей Міхайлавіч Эйзенштэйн Мікалай Мікалаевіч Асееў Sergei Tretyakov[d] Nina Agadzhanova-Shutko[d] Рыгор Аляксандраў[d][…]
У галоўных ролях	Aleksandr Pavlovich Antonov[d] Рыгор Аляксандраў[d] Alexander Stepanovich Antonov[d] Сяргей Міхайлавіч Эйзенштэйн Андрэй Андрэевіч Файт[d] Beatrice Vitoldi[d] Vladimir Barsky[d] Алексантэры Ахола-Вало Ivan Bobrov[d]
Аператар	Эдуард Казіміравіч Цісэ[d] Уладзімір Уральскі[d]
Кампазітар	Nikolay Kryukov[d] Edmund Meisel[d] Дзмітрый Дзмітрыевіч Шастаковіч
Кінакампанія	Масфільм і Дзяржкіно[d]
Працягласць	74 хв.
Зборы	46 653 $
Краіна	СССР
Мова	руская
Год	21 снежня 1925 і 24 снежня 1925
IMDb	ID 0015648
Медыяфайлы на Вікісховішчы

«Браняносец „Пацёмкін“» — нямы гістарычны мастацкі фільм, зняты рэжысёрам Сяргеем Эйзенштэйнам на першай кінафабрыцы «Дзяржкіно» ў 1925 годзе. Неаднаразова ў розныя гады прызнаваўся лепшым або адным з лепшых фільмаў усіх часоў і народаў па выніках апытанняў крытыкаў, кінарэжысёраў і публікі.

Сюжэт

Матросы аднаго з браняносцаў Чарнаморскага флоту, які стаяў на рэйдзе Адэсы, узбунтаваліся з-за таго, што іх спрабавалі накарміць чарвівым мясам. Завадатары бунту прыгаворваюцца да расстрэлу. Аднак падчас выканання пакарання астатнія матросы кідаюцца ім на выручку. Афіцэраў карабля выкідваюць за борт, але натхняльнік паўстання матрос Вакуленчук гіне ў сутычцы.

Насельніцтва Адэсы сцякаецца на пахаванне Вакуленчука і падтрымлівае каманду рэвалюцыйнага карабля. Выкліканыя ўрадавыя войскі бязлітасна расстрэльваюць мірных жыхароў на знакамітай адэскай лесвіцы. На падаўленне паўстання накіроўваецца Чарнаморская эскадра, але матросы адмаўляюцца страляць па паўсталым, і браняносец «Пацёмкін» праходзіць праз строй караблёў.

У фінале трэцяга акта фільма на мачце браняносца лунае падняты паўстанцамі чырвоны сцяг. Заканчваецца карціна кадрам, на якім браняносец быццам бы «выплывае з фільма» ў залу.

Акцёры і ролі

• Аляксандр Антонаў — Вакуленчук
• Уладзімір Барскі — камандзір Голікаў
• Рыгор Аляксандраў — лейтэнант Гіляроўскі
• Міхаіл Гамораў — матрос
• Уладзімір Уральскі — матрос
• Андрэй Файт — наборшчык
• Сяргей Эйзенштэйн — адэсіт
• Канстанцін Фельдман — змоўшчык-меншавік