Брацкая магіла апалчэнцаў (Магілёў)
Славутасць | |
Брацкая магіла апалчэнцаў | |
---|---|
53°54′10″ пн. ш. 30°19′17″ у. д.HGЯO | |
Краіна | |
Горад | |
Брацкая магіла апалчэнцаў — вайсковае пахаванне ў Магілёве, размешчанае ў скверы па вул. Лазарэнкі, наспураць школы № 4. Пахавана каля 50 байцоў народнага апалчэння, якіх расстралялі нямецка-фашысцкія захопнікі 25 ліпеня 1941 года.
Калі фронт наблізіўся да Магілёва, па рашэнні абкама КП(б)Б былі створаны абласны (начальнік штаба — намеснік старшыні аблвыканкама І. М. Кардовіч) і гарадскі (начальнік штаба — сакратар гаркама КП(б)Б А. І. Марозаў) штабы атрадаў народнага апалчэння. Камандаваў народным апалчэннем абласны ваенкам І. П. Ваяводзін. Атрады апалчэння арганізоўваліся на прадпрыемствах. З 3 дні ў іх уступіла 8 тысяч чалавек, да 12 ліпеня — 10 тысяч, створана 14 батальёнаў.
Змагаліся з ворагам апалчэнцы педагагічнага інстытута, заводаў штучнага шоўку, гарбарнага, трубаліцейнага і інш. прадпрыемстваў. Калі пачаліся баі на бліжэйшых подступах да горада, частка байцоў-апалчэнцаў была ўключана ў рады рэгулярных войскаў. Астатнія занялі адведзеныя ім участкі абароны. Разам з воінамі апалчэнцы трубаліцейнага завода трымалі абарону ў раёнах Машэкаўкі, чыгуначнай станцыі Магілёў-2 і мясакамбіната. Атрады заводаў штучнага шоўку і гарбарнага стрымлівалі націск ворага з боку Лупалава. Каля вёскі Пашкава і пасёлка Гаі гераічна змагаўся батальён міліцыі пад камандаваннем капітана К. Р. Уладзімірава. Тут з 250 байцоў жывымі засталіся толькі 19.
Многія апалчэнцы працягвалі барацьбу ў радах Чырвонай Арміі, партызанскіх атрадах і падполлі. У Магілёве ёсць вуліца Народнага Апалчэння.
Зноскі
Літаратура[правіць | правіць зыходнік]
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.
Спасылкі[правіць | правіць зыходнік]
- На Вікісховішчы пакуль няма медыяфайлаў па тэме, але Вы можаце загрузіць іх