Бронхаскапія

Бронхаскапі́я — візуальны метад даследавання дыхальных шляхоў бранхаскопам (скаладаецца з трубак розных дыяметраў, асвятляльнага і аптычнага прыбораў).

Робяць бронхаскапію пад мясцовай анестэзіяй як дыягнастычную і лячэбную працэдуру.

Паказанні для бронхаскапіі: выяўленне паталагічных змен трахеі, галоўных і сегментарных бронхаў, выдаленне іншародных цел, падвострыя і хранічныя захворванні з парушэннямі праходнасці бронхаў, лёгачныя крывацёкі, калі неабходна ўзяць матэрыял для біяпсіі ці ўвесці лекавыя сродкі.

Літаратура

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).