Барыс Якаўлевіч Хесін

Барыс Якаўлевіч Хесін
Дата нараджэння	28 ліпеня 1945(1945-07-28) (78 гадоў)
Месца нараджэння	Сафронава[d], Борскі раён, Горкаўская вобласць, РСФСР, СССР
Род дзейнасці	мастак
Вучоба	мастацка-графічны факультэт ВДУ
Член у	Беларускі саюз мастакоў

Барыс Якаўлевіч Хесін (28 ліпеня 1945, в. Сафронава, Борскі раён, Горкаўская вобласць, РСФСР) — беларускі жывапісец.

Біяграфія

Скончыў мастацка-графічны факультэт Віцебскага педагагічнага інстытута ў 1967 годзе.

Член Беларускага саюза мастакоў з 1995 года.

Творчасць

Працуе ў станковым жывапісе і графіцы, пераважна ў тэхніках тэмперы і акварэлі. Асноўныя творы: «Слаўны горад Полацк» (1969), «Раніца» (1971), «Стары Віцебск» (1974), «Дзвіна» (1978), «Зімовы пейзаж» (1990), «Восень» (1993), «Вечар», «Стары Полацк» (абодва 1994), «Віцебск. У канцы зімы» (1999), нацюрморты. Работы вылучаюцца пластычнай лёгкасцю, складанай рытмікай кампазіцыі, выразнай дынамікай ліній з сакавітымі плямамі колеру.

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).