Ваенны пераварот у Габоне (2023)
| Ваенны пераварот у Габоне | |||
|---|---|---|---|
| Асноўны канфлікт: Пояс пераваротаў | |||
 | |||
| Дата | 30 жніўня 2023 | ||
| Месца | Габон | ||
| Вынік | перамога змоўшчыкаў | ||
| Праціўнікі | |||
|
|||
| Камандуючыя | |||
|
|||
30 жніўня 2023 года ў Габоне адбыўся ваенны пераварот[1]. Змоўшчыкі ставілі сваёй мэтай правесці новыя прэзідэнцкія выбары[2][3].
Перадгісторыя[правіць | правіць зыходнік]
У жніўні 2023 года ў Габоне прайшлі чарговыя прэзідэнцкія выбары, перамогу на якіх атрымаў Алі Бонга Андзімба, які кіраваў краінай ужо 14 гадоў на момант абрання. Ён з’яўляецца сынам Амара Бонга, экс-прэзідэнта Габона, які кіраваў краінай з 1967 года. Прэзідэнцкія выбары 2023 года прайшлі ў атмасферы адключэння інтэрнэту і адсутнасці назіральнікаў[4].
У 2019 годзе кіраўніка краіны ўжо спрабавалі зрынуць, але антыўрадавыя сілы пацярпелі паразу.
Ход падзей[правіць | правіць зыходнік]
У 3:30 30 жніўня 2023 года было абвешчана аб перамозе дзеючага кіраўніка дзяржавы на выбарах[5]
Раніцай у Лібрэвілі, сталіцы Габона, пачалася стральба[4]. Як высветлілася, у горадзе пачаўся ваенны пераварот. Супраць урада Алі Бонга выступілі Рэспубліканская гвардыя, Прэтарыянская гвардыя прэзідэнта, салдаты рэгулярнай арміі і супрацоўнікі паліцыі[2].
Прыкладна а 5:00 паводле Грынвіча, змоўшчыкі па тэлебачанні абвяшчаюць пра закрыццё межаў краіны на нявызначаны тэрмін[3]. Адначасна ўвядзены каменданцкі час[6]. Там жа група высокапастаўленых вайскоўцаў заявіла пра сваю нязгоду з вынікамі выбараў. У выступе па тэлебачанні яны паведамілі, што ўяўляюць сабой усе сілы абароны і бяспекі краіны. Было абвешчана аб роспуску Сената, Нацыянальнага сходу, Канстытуцыйнага суда і выбаркама[7]. Таксама быў заблакаваны доступ у Інтэрнэт[6].
Алі Бонга быў захоплены вайскоўцамі і змешчаны пад дамашні арышт[8]. Часовым прэзідэнтам абвешчаны Брыс Алігі[9].
Рэакцыя[правіць | правіць зыходнік]
Вярхоўны прадстаўнік ЕС па замежных справах і палітыцы бяспекі Жазэп Барэль заявіў, што пераварот узмоцніць нестабільнасць у Афрыцы, назваўшы гэта вялікай праблемай[10].
Прэм’ер-міністр Францыі Элізабэт Борн заявіла, што Парыж з найвялікшай увагай сочыць за падзеямі ў Габоне[11].
КНР заклікала да гарантый бяспекі для зрынутага прэзідэнта[12].
Прэс-сакратар прэзідэнта Расіі Дзмітрый Пяскоў заявіў, што Крэмль уважліва назірае за сітуацыяй у Габоне. Пераварот стаў прадметам глыбокай заклапочанасці[13].
Заўвагі[правіць | правіць зыходнік]
- ↑ Военные Габона совершили государственный переворот.
- ↑ а б "Au Gabon, des militaires proclament l'annulation des élections après l'annonce de la victoire d'Ali Bongo". Le Monde.fr [французская]. 2023-08-30. Праверана 2023-08-30.
- ↑ а б Walsh, Declan (2023-08-30). "Gabon Military Officers Say They Are Seizing Power". The New York Times [амерыканская англійская]. Праверана 2023-08-30.
- ↑ а б Военные Габона объявили об отмене итогов президентских выборов (руск.). РБК (30 жніўня 2023). Праверана 30 жніўня 2023.
- ↑ Diekhans, Antje. Nach Präsidentschaftswahl: Militär stürzt Regierung in Gabun (ням.). tagesschau.de. Праверана 30 жніўня 2023.
- ↑ а б Парламентская газета.В Габоне группа высокопоставленных офицеров заявила о приходе к власти.
- ↑ Габон вслед за Нигером объявил о госперевороте и роспуске власти.
- ↑ Gabon: President Ali Bongo under house arrest, according to military putschists (англ.). Africanews (30 жніўня 2023). Праверана 30 жніўня 2023.
- ↑ Qui est Brice Clotaire Oligui Nguema, le Général à la tête de la transition gabonaise ?(нявызн.) (30 жніўня 2023). Праверана 30 жніўня 2023.
- ↑ "Gabon coup: Army cancels elections and seizes power". BBC News [брытанская англійская]. 2023-08-30. Праверана 2023-08-30.
- ↑ Gabon: la France «condamne le coup d'État militaire qui est en cours», a déclaré le porte-parole du gouvernement (фр.)(недаступная спасылка). RFI (30 жніўня 2023). Архівавана з першакрыніцы 30 жніўня 2023. Праверана 30 жніўня 2023.
- ↑ AfricaNews. Gabon soldiers say Bongo 'regime' ended, borders closed (англ.). Africanews (30 жніўня 2023). Праверана 30 жніўня 2023.
- ↑ В Кремле глубоко озабочены ситуацией в Габоне (руск.). Российская газета (30 жніўня 2023). Праверана 30 жніўня 2023.