Валатаўское
Валатаўское — штучнае возера ў Цэнтральным раёне Гомеля[1][2]. Самае вялікае возера ў так званым Валатаўскім каскадзе азёр[3]. Плошча — прыблізна 0,3 км²[4]. Знаходзіцца між жылымі масівамі Прудок, Валатава, Клёнкаўскі, Старая Валатава, Мельнікаў Луг і возерам Бурае Балота[1]. Узнікла ў 1970-я гг. ў выніку асушэння вялікага балота (прасціралася між Прудком і Старой Валатавой) і кар’ерных работ па здабачы пяску для стварэння гідранамыўнай падушкі пад будаўніцтва будучых навакольных мікрараёнаў[5]. Не блытаць з гістарычным Валатаўскім (Волатаўскім) возерам, вядомым сёння як пратока Валатава.
Станам на 2022 г. часткова ўпарадкаванае. На ўсходнім беразе размяшчаецца праваслаўны Спаса-Праабражэнскі храм[1][6]. На паўднёва-ўсходнім — зона адпачынку з пляжам[7] і спартыўнымі пляцоўкамі[8]. Паўднёвы бераг аблюбаваны жыхарамі прылегалага мікрараёна для ладжання пікнікоў. Возера з’яўляецца адным з улюбёных месцаў для аматараў рыбнай лоўлі (у тым ліку, зімовай парой). Перыядычна выкарыстоўваецца для спаборніцтваў па водна-маторным спорце[3][9].
Галерэя[правіць | правіць зыходнік]
-
Від на Клёнкаўскі, 2018 г. -
Від на Валатаву, 2018 г. -
Від на Мельнікаў Луг, 2018 г. -
Спаборніцтвы па водна-маторным спорце, 2022 г. -
Пляж, восень 2022 г.
.jpg)
.jpg)
.jpg)
Зноскі
- ↑ а б в Гомель. План города. Гомельский район. Карта [Карты] / редактор В. А. Змачинская. — Минск : Белкартография, 2018. — Квадрат 5В.
- ↑ Томаш, М. С. Современное состояние и использование водоемов урбанизированных территорий (на примере г. Гомеля) // Весці БДПУ. — Серыя 3. — 2020. — № 3. — С. 51.
- ↑ а б Томаш, М. С. Современное состояние и использование водоемов урбанизированных территорий (на примере г. Гомеля) // Весці БДПУ. — Серыя 3. — 2020. — № 3. — С. 53.
- ↑ Падлічана пры дапамозе сервісу Google Карты.
- ↑ Строительная летопись города : [научно-популярное издание] / в вып. дан. авт.: Б. М. Захарин, Ю. Э. Глушаков, А. В. Коноваленко, А. А. Чачин; ред. кол.: В. И. Пилипец и др. ; фото М. А. Амелиной и др. — Гомель : Вечерний Гомель-Медиа, 2011. — С. 187.
- ↑ Наша история Архівавана 17 мая 2021. // Спасо-Преображенский храм г. Гомеля.
- ↑ Места разрешённые для купания в Гомельской области // Гомельская областная организация ОСВОД.
- ↑ Сычкова, Т. Новая зона отдыха приглашает в гости! // Гомельские Ведомости, 17 Сентября 2021.
- ↑ Гл., напр.: Чемпионат Республики Беларусь по водно-моторному спорту проходит в Гомеле // Гомельские Ведомости, 2 Июля 2016.
Спасылкі[правіць | правіць зыходнік]
На Вікісховішчы ёсць медыяфайлы па тэме Валатаўское
