Валатава (жылы раён)

Валатава
52°28′29″ пн. ш. 31°01′29″ у. д.
Краіна	Беларусь
Горад	Чыгуначны раён
Медыяфайлы на Вікісховішчы

Валатава́ — жылы масіў у Гомелі, размешчаны на поўнач ад былой вёскі Валатава. На поўнач знаходзіцца прыпыначны пункт Валатава.

Гісторыя

Макет канчатковага праекта раёна

Макет першапачатковага праекта жылога раёна

Праект забудовы жылога масіва распрацаваны ў 1970-я гады і прадугледжваў упершыню ў рэспубліцы будаўніцтва на поймавай тэрыторыі ракі Сож, паднятай метадам гідранамыву да незатапляльных адзнак са стварэннем азёр і каналаў. У 1984 годзе скончана забудова мікрараёнаў № 11 і 12 (праект 1980; арх. А. М. Лебедзеў у сааўтарстве), станам на 19990 год будаваўся мікрараён № 13 (мікрараён № 14 у граніцах вуліц Крупскай, Свірыдава, Агарэнкі, Каменшчыкава рэалізаваны не быў), былі запраектаваны мікрараёны № 20 і 21, намыта пляцоўка для будаўніцтва чатырох мікрараёнаў у паўднёвай частцы масіва. Пражывала каля 30 тыс. жыхароў.

Рашэннем Гомельскага гарадскога Савета дэпутатаў ад 4 верасня 2012 г. № 158 мікрараёны № 11, 12 і 13 афіцыйна атрымалі назву «Валатава», а мікрараёны № 20 і 21 — «Клёнкаўскі».

Асноўныя вуліцы

Асноўныя вуліцы: Алімпійская, Петруся Броўкі, Свірыдава, Агарэнкі.

Забудова

Забудаваны пераважна 5-, 9-павярховымі дамамі. Недалёка ад комплексаў жылых дамоў размешчаны гандлёвыя прадпрыемствы (універсам «Бранскі», крама «Трыкатаж. Гаставары. Галантарэя. Касметыка» і інш.), Дом дзіцяці, гарадскі аддзел аховы здароўя, дзіцячыя сады, школы, установы, медыцынскага і культурна-бытавога абслугоўвання (станцыя хуткай медыцынскай дапамогі, гарадская бібліятэка № 2 імя І. П. Мележа, відэасалон «Валатава» і інш).

Вядомыя асобы

• Сярога — рэп-выканавец

Літаратура

• Волотова // Гомель. Энциклопедический справочник (руск.) / Гл. редактор И. П. Шамякин. — Мн.: БелСЭ им. П. Бровки, 1991. — 528 с. — ISBN 5-85700-054-8.

Спасылкі

• На Вікісховішчы ёсць медыяфайлы па тэме Валатава (жылы раён)