Варшава-Цэнтральная

Варшава-Цэнтральная
польск.: Warszawa Centralna
	Станцыя
Варшава-Цэнтральная польск.: Warszawa Centralna
	Польская чыгунка
Аператар	Польская чыгунка
Дата адкрыцця	1975
Ранейшыя назвы	Warschau West
Размяшчэнне	Варшава
Код у «Экспрэс-3»	5100136
	Варшава-Цэнтральная на Вікісховішчы

Варшава-Цэнтральная (польск.: Warszawa Centralna), афіцыйна Цэнтральны вакзал імя Станіслава Манюшкі (польск.: Dworzec Centralny im. Stanisława Moniuszki) — галоўная чыгуначная станцыя Варшавы, размешчаная ў цэнтры горада каля Палаца культуры і навукі. Буйны транспартна-перасадачны вузел.

Агульная характарыстыка[правіць | правіць зыходнік]

Станцыя мае 4 падземныя астраўныя платформы з 8 пуцямі. Абслугоўвае міжгароднія і міжнародныя цягнікі, а таксама некаторыя рэгіянальныя цягнікі, якія эксплуатуюцца Мазавецкай чыгункай.

Будаўніцтва пачалося ў 1972 годзе і было завершана ў 1975 годзе. Вакзал быў пабудаваны ў перыяд буму 1970-х гадоў, калі Польская Народная Рэспубліка атрымала шмат крэдытаў і стары галоўны вакзал ужо не мог прымаць усіх пасажыраў.

Станцыю пабудавалі вельмі хутка, што адбілася на якасці. На працягу 1980-х гадоў назіраліся прыкметы пагаршэння стану станцыі. Але, нягледзячы на гэта, будынак на той час быў вельмі сучасным, з эскалатарамі і рассоўнымі аўтаматычнымі дзвярыма.

На думку многіх, станцыю трэба знесці, а на яе месцы пабудаваць новую. Еўра-2012, аднак, змяніла і адклала гэтыя планы. Пакуль што ў 2011-2012 гадах Варшава Цэнтральная атрымала касметычныя змены, у першую чаргу рэканструкцыю многіх падземных пераходаў, якія вядуць непасрэдна на платформы.

Ад падземных пераходаў, якія злучаюць платформы з горадам, можна хутка дабрацца да розных трамвайных і аўтобусных прыпынкаў. Побач з вакзалам таксама знаходзіцца гандлёвы цэнтр «Залатыя тэрасы».