Васіль Удалы

Васіль Удалы
Нараджэнне	XV стагоддзе
Смерць	1501
Бацька	Міхаіл Андрэевіч[d]
Жонка	Maria Palaiologina[d]
Дзеці	Соф’я Васільеўна
Дзейнасць	палкаводзец

Васіль Міхайлавіч Удалы (? — каля 1501) — князь Вярэйскі. Старэйшы сын Міхаіла Андрэевіча ад жонкі Алены Яраслаўны (? — 1486). У 1468 і 1469 гг. удзельнічаў у паходзе маскоўскага войска на Казань, у 1471 г. на Ноўгарад, у 1472 і 1480 гг. супраць татарскага хана Ахмата. Пабраўся шлюбам з Марыяй Андрэеўнай Палеалог, пляменніцай вялікай княгіні маскоўскай Соф'і, жонкі вялікага маскоўскага князя Івана III. У 1484 г., з-за пагрозы арышту, уцёк з сям'ёй у ВКЛ, дзе вялікі князь Казімір IV у 1484 г. перадаў яму ва ўладанне Любеч на Дняпры, Койданаў, Вусу, Старынкі, Іслач, Валожын і Радашковічы. У 1493 г. Соф'я выпрасіла ў Івана III дазвол Васілю вярнуцца на бацькаўшчыну, але той застаўся ў ВКЛ. Пасля яго смерці ўсе ўладанні перайшлі да яго адзінай дачкі Соф'і.

Літаратура

• Грыцкевіч А. П. Вярэйскія. // Энцыклапедыя гісторыі Беларусі ў 6 тамах. Мінск. Т. 2. 1994. С. 442—443.
• Грыцкевіч А. П. Вярэйскія. // Беларуская энцыклапедыя ў 18 тамах. Т. 4. Мінск. 1997. С. 399.
• Валахановіч В. І. Князі Вярэйскія. // Памяць. Гісторыка-дакументальная хроніка Дзяржынскага раёна. Мінск. 2004. С. 78.