Вацлаў Шпала

Вацлаў Шпала
чэшск.: Václav Špála
Род дзейнасці	мастак, ілюстратар, графік, настаўнік
Дата нараджэння	24 жніўня 1885(1885-08-24)[…]
Месца нараджэння	Žlunice[d], раён Ічын[d], Усходнечэшскі край[d]
Дата смерці	12 мая 1946(1946-05-12)[…] (60 гадоў)
Месца смерці	Прага, Чэхаславакія
Месца пахавання	Вышаградскія могілкі
Грамадзянства	Чэхаславакія
Дзеці	Jan Špála[d]
Альма-матар	Вышэйшая школа прыкладнога мастацтва ў Празе (1903) Пражская акадэмія мастацтваў (1909)
Узнагароды і прэміі	Народны артыст Чэхаславакіі[d] (9 лістапада 1945)
Медыяфайлы на Вікісховішчы

Вацлаў Шпала (чэш. Václav Špála; 1885, Злуніцэ — 1946, Прага) — чэшскі мастак, графік і ілюстратар.

Жыццё і творчасць

В. Шпала нарадзіўся ў шматдзетнай сям’і, быў адным з дзевяці дзяцей. Мастацкую адукацыю атрымаў спачатку ў мастацкай школе ў Градзец-Кралаве, затым у Вышэйшай школе прыкладнога мастацтва ў Празе і, у 1903-08 гадах — у пражскай Акадэміі мастацтваў. У ранні перыяд творчасці (пачынаючы 1905 года) на яго працы аказалі ўплыў карціны Э. Мунка, П. Сезана, В. ван Гога, у графіцы бачныя элементы фавізму.

У 1911 годзе мастак піша палатно «Ідылія» (Купанне дзвюх дзяўчат), у якой упершыню характэрнымі і асноўнымі з’яўляюцца камбінацыі дзвюх фарбаў — цёплай чырвонай і халоднай сіняй. Гэты мастацкі прыём захоўваецца ў працах В. Шпалы да 1923 года. У тым жа, 1911 годзе мастак знаёміцца ў Парыжы з творчасцю мастакоў-кубістаў, якія таксама аказалі ўздзеянне на яго. Уступае ў Таварыства мастакоў Манэ. Пасля 1923 года В. Шпала піша пераважна пейзажы. У 1945 годзе Вацлаву Шпале было прысвоена званне Народны мастак Чэхаславакіі.