Вера Бартуль

З пляцоўкі Вікіпедыя
Jump to navigation Jump to search
Вера Бартуль
Дата нараджэння 22 лістапада 1930(1930-11-22)
Месца нараджэння
Дата смерці 24 красавіка 2006(2006-04-24) (75 гадоў)
Месца смерці

Вера Бартуль (дзявоч. Касцюкевіч; 22 лістапада 1930, в. Губічы Рагачоўскага павета Гомельскай губерні, цяпер Буда-Кашалёўскі раён Гомельскай вобласці — 24 красавіка 2006, Нью-Ёрк) — дзеячка беларускай эміграцыі, мадэль, кансультантка-кутур’е.

Пачатак мадэльнай дзейнасці[правіць | правіць зыходнік]

У 1947 годзе у дзяцінстве разам з сям’ёй пераехала ў Вялікабрытанію, дзе спачатку працавала ў шпіталі й вучылася ў мэдычнай школе. У 1949 годзе пабралася шлюбам з Францішкам Бартулем. Скончыла школу дэманстрацыі моды, каб працаваць мадэллю і кансультанткай-кутур’е.

у 1956 разам з мужам пераехала ў ЗША. Найбольшага поспеху як мадэль дасягнула, дэманструючы футровую вопратку. Пазней працавала менеджэркай у кампаніі мод. Яе працы дэманстраваліся ў найлепшых крамах Нью-Ёрку, Сан-Францыска, Лос-Анджэлесе, Чыкага.

Палітычная дзейнасць[правіць | правіць зыходнік]

Вера стварыла сцэнічныя ўборы для славутага на эмiграцыi танцавальнага гурта «Васілёк», разам з якім упершыню пасля доўгага расстання наведала Беларусь, а потым шмат разоў прыяжджала сюды як сяброўка арганізацыі «CitiHope», што дапамагала ахвярам Чарнобыля. Збірала сродкі на падтрымку вяртанцам з ГУЛАГу. Сярод тых, хто атрымліваў гэтую дапамогу, былі Ларыса й Янка Геніюшы, Юрка і Лявон Луцкевічы.

Была старшынёй Жаночага Згуртавання/Секцыі БАЗА, сяброўкай Управы Нью-Ёрскага аддзелу БАЗА. Як адна з кіраўнічак жаночае структуры БАЗА найбольш спрыяла дапамозе суродзічам у Еўропе, найперш на Беласточчыне.

Выкладала беларускую мову і гісторыю ў беларускай дапаўняльнай школе ў Брукліне. Спявала ў самадзейнасці, у т. л. у жаночым секстэце «Гоман». Скарыстоўваючы свой прафесійны досвед, была арганізатаркай шэрагу публічных паказаў беларускіх народных строяў, у т. л. на святкаванні 50-х угодкаў БАЗА (1999). Таксама збірала сродкі на выданне кружэлак Данчыка, на Беларускі музей у Гайнаўцы.

У 1993 годзе брала ўдзел у І з’ездзе беларусаў свету ў Мінску.

Да апошніх дзён жыцця Вера Бартуль з’яўлялася кіраўніцай Нью-Ёркскай суполкі Таварыства беларускай мовы імя Францішка Скарыны, а таксама старшынёй Беларуска-Амерыканскай жаночай арганізацыі — BAWA (Belarusian American Women Association).

Зноскі

Спасылкі[правіць | правіць зыходнік]

  • http://www.svaboda.org/content/transcript/776048.html Імёны Свабоды: Вера Бартуль
  • Беларуская цывілізацыя ў Амэрыцы : Пяцьдзясят гадоў Беларуска-Амэрыканскага Задзіночаньня (1949–1999). Падзеі. Дакумэнты. Успаміны. Персаналіі. = Źmicier Saŭka Belarusan Civilization in America : Fifty years of Belarusan American Association (1949–1999) / Зьміцер Саўка ; рэдактар Наталля Гардзiенка ; прадмова Лявон Юрэвiч. — Мiнск : Кнігазбор, 2019. — 604 с. : [12] с. іл. (Бібліятэка Бацькаўшчыны ; кніга 38). ISBN 978-985-7207-69-5.