Воінскі мемарыял імя Ленінскага камсамола

Славутасць
Воінскі мемарыял імя Ленінскага камсамола
55°03′45″ пн. ш. 30°20′50″ у. д.
Краіна	Беларусь
Вёска	Копці

Воінскі мемарыял імя Ленінскага камсамола — воінскі мемарыяльны комплекс у в. Копці Віцебскай вобласці.

Гісторыя

У гады Вялікай Айчыннай вайны за аграгарадок Копці разгарнулася жорсткая барацьба. У канцы 1943 года — пачатку 1944 года ў яго ваколіцах ішлі бесперапынныя кровапралітныя баі, двойчы населены пункт пераходзіў з рук у рукі. Менавіта тут 23 чэрвеня 1944 года на Віцебскім напрамку пачаўся прарыў нямецкай абароны ў час аперацыі «Баграціён». Паводле архіўных дакументаў, на шасцікіламетровым участку загінула 11408 салдат і афіцэраў Чырвонай Арміі.

У памяць аб тых падзеях у Копці быў створаны воінскі мемарыяльны комплекс імя Ленінскага камсамола. На ўскраіне населенага пункта ўзвышаецца трохметровы пагорак з танкам Т-76 на вяршыні.

Воінскі мемарыял імя Ленінскага камсамола ўключае ў сябе каля 60 помнікаў і абеліскаў, у тым ліку:

• 10 гранітных помнікаў з назвамі вёсак і ўказаннем колькасці воінаў 33-й і 39-й армій, якія загінулі пры вызваленні гэтых населеных пунктаў;
• Сцяна Памяці са схемай аперацыі «Баграціён» і спісам воінскіх падраздзяленняў, якія вызвалялі тэрыторыю сельсавета;
• помнік «Магіла невядомага салдата»;
• помнік мясцовым жыхарам, якія не прыйшлі з вайны;
• помнік вязням фашызму;
• помнік лётчыкам эскадрыллі «Нармандыя-Нёман»;
• помнік Герою Савецкага Саюза Пётр Антонавіч Галецкі;
• помнік Герою Савецкага Саюза Георгій Сцяпанавіч Грыгор’еў;
• помнік партызанскай брыгады А. Данукалава;
• помнік сыну Сталіна артылерысту Якаву Джугашвілі;
• помнік сыну Сталіна лётчыку Васілю Сталіну;
• памятны мемарыяльны знак воінам-татарстанцам, якія загінулі ў гады Вялікай Айчыннай вайны (скульптар А. Н. Тарасян);
• помнік на магіле патрыёткі — урача Ганны Мікалаеўны Мамонавай, якая загінула ў гады Вялікай Айчыннай вайны.

Вялікі ўклад у стварэнне памятнага комплексу ўнёс мясцовы жыхар, ветэран Вялікай Айчыннай вайны, падпалкоўнік у адстаўцы Віктар Дзям’янавіч Цярэшчанка.

Літаратура

• Пукшанскі, А. У вёсцы паставілі помнік урачу / А. Пукшанскі // Звязда. — 2011. — 12 мая. — С. 4.
• Большакова, Е. Французский атташе благодарен за увековечивание памяти эскадрильи «Нормандия-Неман» // Жыццё Прыдзвiння (Вiцебск). — 2006. — 16 верас. — С. 1.
• Кузьміч, Т. Трэба абавязкова паспець… / Т. Кузьміч // Витебские вести. — 2016. — 10 марта. — С. 20.
• На добрую память : памятный мемориал им. Ленинского комсомола д. Копти, Витебский район. — Витебск : Витебская областная типография, 2016. — 53 с.