Ляхавічы (Шумяцкі раён)

Вёска Ляхавічы Краіна Расія Суб’ект федэрацыі Смаленская вобласць Муніцыпальны раён Шумяцкі раён Каардынаты 53°54′04″ пн. ш. 31°56′54″ у. д. Тэлефонны код 48133 Паштовыя індэксы 216434 Код АКАТП 66256840007 Ляхавічы на карце Расіі ±

Ляхавічы (руск.: Ляховичи) — вёска ў Шумяцкім раёне Смаленскай вобласці Расіі. Уваходзіць у склад Надзейкавіцкага сельскага паселішча.

Размешчана на заходніх схілах пагорыстых берагоў рэчкі Сожанкі.

Прозвішчы жыхароў вёскі: Друкоўскія, Касценічы, Асмалоўскія, Судзілоўскія, таксама нейкі час жылі Харкевічы з Зімоніна.

Па ніжняй дарозе жыхары вёскі хадзілі ў касцёл Бабуліцкага маёнтка Свіршчэўскіх.

Гісторыя

У часы Вялікага Княства Літоўскага вёска ўваходзіла ў склад Мсціслаўскага ваяводства.

Пад уладай Расійскай імперыі

У выніку першага падзелу Рэчы Паспалітай (1772 год) Ляхавічы апынуліся ў складзе Расійскай імперыі.

Паводле афіцыйных звестак на 1866 год беларусы складалі 94,7% насельніцтва.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР, але 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.