Віктар Іванавіч Несцяровіч

Віктар Несцяровіч
Віктар Несцяровіч
Дата нараджэння	1 верасня 1956 (68 гадоў)
Месца нараджэння	Макарычы, Старадарожскі сельсавет, Старадарожскі раён, Мінская вобласць, БССР, СССР;
Род дзейнасці	навуковец, выкладчык універсітэта
Навуковая сфера	мовазнаўства
Месца працы	Віцебскі дзяржаўны ўніверсітэт імя П. М. Машэрава;
Навуковая ступень	кандыдат філалагічных навук (1983)
Навуковае званне	дацэнт (1984);
Альма-матар	Мінскі дзяржаўны педагагічны інстытут імя Максіма Горкага (1977);

Віктар Іванавіч Несцяровіч (1 верасня 1956, в. Макарычы Старадарожскага раёна Мінскай вобласці) — беларускі мовазнавец, кандыдат філалагічных навук (1983), дацэнт (1984).

Біяграфія

Скончыў МДПІ імя А. М. Горкага (1977), аспірантуру (1983), навуковыя кіраўнікі — прафесар Ф. М. Янкоўскі, доктар філалагічных навук А. К. Антановіч. Настаўнік (з 1977), у Віцебскім дзяржаўным універсітэце (з 1978), загадчык кафедры беларускай мовы (1983—1993), дэкан факультэта беларускай філалогіі і культуры (1993—2014), дацэнт кафедры беларускага мовазнаўства (з 2014).

Кірункі навуковай дзейнасці: мова кітабаў беларуска-літоўскіх татар. Сааўтар школьных падручнікаў па беларускай мове.

Асноўныя працы

Асабістыя

Старажытныя рукапісы беларускіх татар (Графіка. Транслітарацыя. Агульная характарыстыка мовы. Фразеалогія) : манаграфія. — Віцебск: Віцеб. дзярж. ун-т імя П. М. Машэрава, 2003. — 103 с.

У сааўтарстве

Беларуская мова. 4 кл. (1989, 1991, 1993).
Беларуская мова. 5 кл. (1992, 1994, 1998, 2001, 2002, 2008, 2014).
Беларуская мова. 11 кл. (1999).
Адваротны слоўнік беларускай мовы (1994).