Віктар Паўлавіч Андаралаў

Віктар Паўлавіч Андаралаў
Дата нараджэння	1 снежня 1933(1933-12-01) (90 гадоў)
Месца нараджэння	Полацк, Полацкі раён, БССР, СССР
Альма-матар	Брэсцкі інжынерна-будаўнічы інстытут (1976)
Месца працы	Віцебскграмадзянпраект[d] Архітэктурна-планіровачнае ўпраўленне выканаўчага камітэта Віцебскага гарадскога Савета народных дэпутатаў[d]
Партыя	КПСС
Член у	Саюз архітэктараў СССР

Віктар Паўлавіч Андаралаў (нар. 1 снежня 1933, Полацк, Віцебская вобласць) — беларускі архітэктар.

Біяграфія

Скончыў у 1976 годзе Брэсцкі інжынерна-будаўнічы інстытут. Працаваў архітэктарам Расонскага раёна, старшым архітэктарам, кіраўніком сектара ў Віцебскграмадзянпраекце, з 1981 года — начальнік архітэктурна-планіровачнага ўпраўлення Віцебскага гарвыканкама, галоўны архітэктар Віцебска.

Член Саюза архітэктараў СССР з 1980 года. Член КПСС з 1970 года. Пражывае ў Віцебску.

Творчасць

Дом культуры будаўнікоў у Полацку

Праект гасцініцы ў Оршы (у сааўтарстве з У. Зубковым)

Асноўныя працы (у аўтарскім калектыве): клуб трэста «Полацксельбуд», прыбудова да будынка гаркама КПБ (1980) у Полацку, грамадска-гандлёвы цэнтр санаторыя «Вечалле» ва Ушачах (1981), жылы мікрараён Білева-1 (сааўтары Н. П. Жукоўская, Н. П. Пакоева), рэканструкцыя Віцебскага цэнтральнага спартыўнага комплекса (сааўтар А. А. Зафатаеў). Аўтар артыкулаў па пытаннях сельскай архітэктуры.

Сям’я

Мае сына Адрыяна Віктаравіча Андаралава, які таксама працуе архітэктарам.

Літаратура

• Андаралов Виктор Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)