Віктар Пятровіч Алампіеў

Віктар Пятровіч Алампіеў
дэпутат Вярхоўнага Савета Беларусі[d] 19 верасня 1991 — 9 студзеня 1996
дэпутат Вярхоўнага Савета Беларускай ССР[d] 16 мая 1990 — 19 верасня 1991
Нараджэнне	15 красавіка 1947(1947-04-15) (77 гадоў)
Член у	Партыя БНФ
Адукацыя	Гродзенскі дзяржаўны ўніверсітэт імя Янкі Купалы Беларускі дзяржаўны эканамічны ўніверсітэт
Дзейнасць	палітык
Месца працы	Палессе (прадпрыемства)

Віктар Пятровіч Алампіеў (нар. 15 красавіка 1947) — беларускі палітык, у 1990—1995 гадах адзін з членаў Апазіцыі БНФ у складзе Вярхоўнага Савета БССР 12-га склікання.

Біяграфія

Скончыў Гродзенскі педагагічны інстытут і Беларускі інстытут народнай гаспадаркі. Быў начальнікам інфармацыйна-вылічальнага цэнтра Пінскага вытворчага аб’яднання верхняга трыкатажу.

Быў абраны дэпутатам Вярхоўнага Савета БССР 12-га склікання ад Пінскай-Паўночнай акругі № 132. Быў намеснікам старшыні Камісіі Вярхоўнага Савета па эканамічнай рэформе, дасягненні эканамічнай самастойнасці і суверэнітэту рэспублікі.

Удзельнічаў у распрацоўцы і прыняцці Дэкларацыі аб дзяржаўным суверэнітэце Беларусі, падрыхтоўцы законапраектаў да нечарговай сесіі Вярхоўнага Савета 24-25 жніўня 1991 года, на якой была абвешчана незалежнасць Беларусі. Сааўтар шэрагу законапраектаў, падрыхтаваных Апазіцыяй БНФ. 12 красавіка 1995 года далучыўся да галадоўкі дэпутатаў Апазіцыі БНФ.

Літаратура

• Сяргей Навумчык, Зянон Пазняк. Дэпутаты незалежнасьці. — Нью-Ёрк, Вільня, Варшава: «Беларускія Ведамасьці», Таварыства Беларускай Культуры ў Летуве, 2010. — ISBN 978-9955-578-11-6.