Вінту
| Вінту (Wintu) | |
| Агульная колькасць | 2700 (2018 г.) |
|---|---|
| Рэгіёны пражывання | ЗША |
| Мова | вінту |
| Рэлігія | анімізм, хрысціянства |
| Блізкія этнічныя групы | іншыя вінтун |
Вінту (саманазва: Wintu) — індзейскі народ у Каліфорніі (ЗША), паўночная галіна вінтун. Агульная колькасць у 2018 годзе — 2 700 чалавек[1].
Да сярэдзіны XIX ст. вінту насялялі паўночную частку даліны ракі Сакрамента і навакольныя перадгор'і. Яны займаліся паляваннем, збіральніцтвам і сезонным рыбалоўствам, гандлявалі з суседзямі зброяй, рыбнай мукой, скурамі дзікіх жывёл і інш.
Паселішчы складаліся з 4 — 30 хацін, падобных да вікіяпаў, накрытых травянымі цыноўкамі. Насельніцтва аднаго паселішча фарміравала асобны род. На чале стаяў правадыр. Яго ўладу абмяжоўвала рада найбольш паважаных мужчын. Правадыр арганізоўваў сумесную працу, рэлігійныя рытуалы і святы. Ваенныя сутычкі адбываліся пераважна з-за права на паляванне і збор жалудоў у пэўнай мясцовасці. Забойствы маглі кампенсавацца матэрыяльнымі рэчамі.
Першыя кантакты з мексіканцамі і амерыканцамі пачаліся з 1820-х гадоў. Вінту моцна пацярпелі ад эпідэміі малярыі ў 1830-я галы. У 1846 годзе некалькі дзесяткаў прадстаўнікоў гэтага народа загінулі падчас нападу амерыканскіх здабытчыкаў золата. У 1852—1866 гадах былі пераселены ў рэзервацыі.
У выніку асіміляцыі сучасныя вінту амаль страцілі родную мову, у жывых захаваўся толькі адзін яе носьбіт.
Зноскі
Спасылкі[правіць | правіць зыходнік]
- Winnemem Wintu Архівавана 11 ліпеня 2012.
- Wintu Tribe of Northern California Архівавана 29 ліпеня 2019.
- Wintu - California Indians
- Cora du Bois, Wintu Ethnography