Віталь Юр’евіч Балашоў

З Вікіпедыі, свабоднай энцыклапедыі
Футбол
Віталь Балашоў
Агульная інфармацыя
Поўнае імя Віталь Юр’евіч Балашоў
Нарадзіўся 15 студзеня 1991(1991-01-15)[1] (33 гады)
Грамадзянства  Украіна
Рост 170 см
Вага 60 кг
Пазіцыя нападнік
Інфармацыя пра клуб
Клуб Казахстан Туран
Нумар 10
Маладзёжныя клубы
2003—2004 Украіна ДЮСШ Авідзіяпаль
2004—2008 Украіна Чарнаморац (Адэса)
Клубная кар’ера[* 1]
2008—2015 Украіна Чарнаморац (Адэса) 98 (12)
2010   Украіна Чарнаморац-2 (Адэса) 1 (0)
2013—2014   Украіна Гаверла (Ужгарад) 10 (1)
2016 Польшча Вісла (Кракаў) 8 (0)
2017 Малдова Мілсамі (Архей) 10 (4)
2017 Беларусь Іслач (Мінскі раён) 8 (1)
2018—2020 Украіна Алімпік (Данецк) 49 (5)
2020 Расія Тамбоў 6 (0)
2020 Расія Чайка (Песчанакопскае) 0 (0)
2021 Казахстан Шахцёр (Караганда) 13 (2)
2021—2022 Казахстан Актабэ 29 (3)
2023— Казахстан Туран (Туркестан)
Нацыянальная зборная[* 2]
2006—2008 Украіна Украіна (да 17) 23 (5)
2008—2009 Украіна Украіна (да 19) 3 (1)
2012 Украіна Украіна (да 21) 2 (0)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 сакавіка 2023.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 13 жніўня 2017
Лагатып Вікісховішча Медыяфайлы на Вікісховішчы

Віталь Балашоў (нар. 15 студзеня 1991, Адэса, УССР) — украінскі футбаліст, нападнік казахстанскага клуба «Туран» з Туркестана.

Клубная кар’ера[правіць | правіць зыходнік]

У дзіцяча-юнацкай футбольнай лізе Украіны выступаў за ДЮСШ горада Авідзіяпаль, пазней перабраўся ў адэскі «Чарнаморац». У 2008 годзе трапіў у асноўную каманду адэсітаў, дэбютаваў у Прэм’ер-лізе 9 мая 2009 года, правёўшы на полі другі тайм матча супраць днепрапятроўскага «Дняпра» (1:4). У сезоне 2009/10 з чатырма галамі стаў найлепшым бамбардзірам каманды, аднак «Чарнаморац» па выніках сезона страціў месца ў Прэм’ер-лізе. У сезоне 2010/11 адэскі клуб заняў другое месца ў Першай лізе і вярнуўся ў элітны дыівізіён.

У ліпені 2013 года быў аддадзены ў арэнду ўжгарадскай «Гаверле» на сезон 2013/14. У першай палове 2014 года не гуляў, па заканчэнні сезона вярнуўся ў «Чарнаморац». У чэрвені 2015 года па заканчэнні кантракта пакінуў адэскі клуб, а ў студзені 2016 года пасля прагляду стаў іграком кракаўскай «Віслы». У чэрвені 2016 года па пагадненні бакоў пакінуў польскі клуб. У лютым 2017 года стаў іграком малдаўскага клуба «Мілсамі», з якім заваяваў бронзавыя медалі чэмпіянату краіны.

У жніўні 2017 года падпісаў кантракт з беларускім клубам «Іслач»[3]. Стаў асноўным нападнікам каманды, аднак у кастрычніку выбыў з-за траўмы. У лістападзе 2017 года, за тур да заканчэння чэмпіянату, разам з іншымі ўкраінскімі легіянерамі пакінуў «Іслач»[4].

У сакавіку 2018 года прыбыў на прагляд у данецкі «Алімпік» і ў выніку папоўніў склад клуба[5]. У жніўні 2020 года перайшоў у расійскі клуб «Тамбоў», аднак ужо ў кастрычніку разарваў кантракт і неўзабаве стаў іграком «Чайкі» з Песчанакопскага, аднак так і не згуляў за яе.

У сакавіку 2021 года далучыўся да карагандзінскага «Шахцёра», дзе гуляў да чэрвеня. У жніўні 2021 года перайшоў у «Актабэ», пакінуў клуб у студзені 2023 года. У сакавіку 2023 года трапіў у заяўку «Турана» ў другім дывізіёне Казахстана.

Міжнародная кар’ера[правіць | правіць зыходнік]

З 2006 па 2009 год прыцягваўся да гульняў юнацкіх зборных Украіны розных узростаў. У 2012 годзе выступаў за моладзевую зборную Украіны.

Дасягненні[правіць | правіць зыходнік]

Зноскі