Віктар Іванавіч Галеўка

Віктар Іванавіч Галеўка
Дата нараджэння	27 сакавіка 1938(1938-03-27)
Месца нараджэння	Плешчаніцы, Плешчаніцкі сельскі Савет, Лагойскі раён, Менская вобласць, БССР, СССР
Дата смерці	9 мая 1980(1980-05-09) (42 гады)
Месца смерці	Гомель, Гомельская вобласць, БССР, СССР
Грамадзянства	БССР
Альма-матар	БПІ (1962)
Месца працы	Гомельграмадзянпраект[d]
Навуковая ступень	кандыдат архітэктуры (1974)
Партыя	КПСС
Член у	Саюз архітэктараў СССР Беларускі саюз архітэктараў

Віктар Іванавіч Галеўка (27 сакавіка 1938, г.п. Плешчаніцы, Лагойскі раён, Мінская вобласць — 9 мая 1980) — беларускі архітэктар. Кандыдат архітэктуры (1974).

Біяграфія

Скончыў Беларускі політэхнічны інстытут у 1962 годзе. Працаваў галоўным архітэктарам Салігорска, з 1966 па 1980 г. — старшым архітэктарам, кіраўніком групы архітэктараў, галоўным архітэктарам праектаў у Гомельскім філіяле Белдзяржпраекта, галоўным архітэктарам Гомеля.

Член Саюза архітэктараў СССР з 1966 года. Член КПСС з 1979 года.

Творчасць

Асноўныя працы: 4-кватэрны на ст. Цярэшкавічы, 16-кватэрны ў пасёлку Камунар (1966), 4-павярховы ў горадзе Карма (1971) жылыя дамы, гасцініца «Матэль» па аўтамагістралі Гомель—Чарнігаў (1969), 99-кватэрны па вул. Сялянскай (1968) і 64-кватэрны па вул. Артылерыйскай (1973) жылыя дамы, праекты забудовы мікрараёнаў № 12 і 52 (1979, у аўтарскім калектыве) у Гомелі.

Літаратура

• Галевко Виктор Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)