Галіна Антонаўна Войцік

Галіна Антонаўна Войцік
Род дзейнасці	публіцыстка, філолаг, педагог
Дата нараджэння	1 ліпеня 1927(1927-07-01)
Дата смерці	13 жніўня 2007(2007-08-13) (80 гадоў)
Месца пахавання	могілкі Роса
Грамадзянства	Польская Рэспубліка  Літоўская Рэспубліка  СССР  Літва
Бацька	Антон Іванавіч Войцік
Маці	Зоська Верас
Муж	Лявон Антонавіч Луцкевіч
Месца працы	Гродзенскі дзяржаўны ўніверсітэт імя Янкі Купалы Акадэмія асветы ўніверсітэта Вітаўта Вялікага
Альма-матар	Віленская беларуская гімназія Віленскі ўніверсітэт

Галіна Антонаўна Войцік, у шлюбе Луцкевіч (лацінкай: Halina Vojcik; 1 ліпеня 1927(1927-07-01) — 13 жніўня 2007(2007-08-13)) — беларуская педагог, публіцыстка, філолаг, перакладчыца.

Біяграфія

Нарадзілася 1 ліпеня 1927 года ў сям’і Антона Войціка (1898—1948), беларускага журналіста і перакладчыка, і Зоські Верас (1892—1991), беларускай пісьменніцы і грамадскай дзяячкі.

Вучылася ў Віленскай беларускай гімназіі. У 1950 годзе скончыла Віленскі ўніверсітэт. У 1949—1954 гадах працавала ў Гродзенскім педагагічным інстытуце, у 1954—1957 і 1961—1986 гадах — у Віленскім педагагічным інстытуце.

Магіла Лявона Луцкевіча і Галіны Войцік (на пярэднім плане) і кенатаф Івана і Антона Луцкевічаў. Могілкі Роса, Вільня

Памерла 13 жніўня 2007 года, пахавана на могілках Роса ў Вільні.

Сям’я

Была ў шлюбе з беларускім грамадскім дзеячам Лявонам Луцкевічам (1922—1997), які пахаваны побач на Росах.

Творчасць

Аўтар прац па германістыцы, гістарычных даследаванняў і партрэтаў беларусаў Віленшчыны «Зоська Верас» (1992), «Лявон Луцкевіч» (1999), «Барыс Кіт» (2001), разам з мужам, Лявонам Луцкевічам, — «Аляксандр Коўш», «Аляксандр Уласаў», «Янка Шутовіч», «Пётра Сергіевіч» (усе 2000), «Канстанцін Галкоўскі», «Мар’ян Пецюкевіч» (абедзве 2001), «Адам Станкевіч», «Антон Антановіч» (абедзве 2002). На беларускую мову пераклала з літоўскай кнігу «Па Віліі» Часлава Кудабы (1992), нарыс «Вучыцца жыць» А. Жэмайцітэ (1988).

Літаратура

• Саламевіч Я. Войцік // ЭГБ у 6 т. Т. 6, кн. ІІ. Мн., 2003.