Ганна Брэская

Ганна Брэская
Асабістыя звесткі
Дата нараджэння	1901
Месца нараджэння	Зялькі, Каменская воласць[d], Дрысенскі павет, Віцебская губерня, Расійская імперыя
Дата смерці	не раней за 1936
Грамадзянства	Беларуская ССР
Прафесійная дзейнасць
Род дзейнасці	паэтэса
Мова твораў	беларуская
Грамадская дзейнасць
Член у	Маладняк
Творы ў Вікікрыніцах

Ганна Брэская (дзявочае Ганна Яфрэмаўна Аўсеенка; 1901, Зялькі, цяпер Верхнядзвінскі раён, Віцебская вобласць — пасля 1936) — беларуская паэтка.

Біяграфія

Нарадзілася ў 1901 годзе ў вёсцы Зялькі ў сялянскай сям’і. У 1919—1921 гг. працавала ў Дзісенскім павятовым аддзеле народнай адукацыі. З 1923 года разам з мужам, педагогам і мастаком Сямёнам Брэскім (пазней рэпрэсаваным) жыла ў Полацку, гадавала сына, займалася творчай дзейнасцю. У сакавіку 1925 года ўступіла ў Полацкую філію «Маладняка». У 1930-я гг. магчыма працавала на адной з полацкіх фабрык.

Пасля паўторнага арышту мужа ў 1936 г. біяграфічныя звесткі адсутнічаюць. Дата смерці і месца пахавання невядомыя.

Творчасць

Друкавалася ў часопісах «Беларуская работніца і сялянка», «Маладняк», газеце «Полоцкий пахарь» (пазней — «Чырвоная Полаччына»), літаратурных альманахах «Наддзьвіньне» (1926), «Росквіт» (1927), «Зарніцы» (1928). Пазней падборкі вершаў друкаваліся таксама ў газеце «Голас Радзімы», часопісах «Дзеяслоў», «Роднае слова», паэтычнай анталогіі «Краса і сіла» (Мінск, 2003). У 2000 г. выйшла кніга паэзіі «Настурцыі».

Спасылкі

• Віктар Жыбуль. Замужам за «антысавецкім агітатарам» штрыхі да жыццяпісу Ганны Брэскай Архівавана 16 чэрвеня 2022. // Роднае слова 2011/12