Ганна Тарасаўна Анішчук

Ганна Тарасаўна Анішчук
дэпутат Палаты прадстаўнікоў Нацыянальнага сходу Рэспублікі Беларусь 28 кастрычніка 2008 — 18 кастрычніка 2012
Нараджэнне	8 студзеня 1957(1957-01-08) (67 гадоў) Млынавэ, Ратнэўскі раён, Валынская вобласць, УССР, СССР
Адукацыя	Кіеўскі дзяржаўны педагагічны інстытут[d]
Дзейнасць	гісторык, настаўніца, палітык
Месца працы	Брэсцкая крэпасць-герой
Узнагароды	Ганаровая грамата Нацыянальнага сходу Рэспублікі Беларусь Ганаровая грамата Міністэрства адукацыі Рэспублікі Беларусь

Ганна Тарасаўна Анішчук (нар. 8 студзеня 1957, в. Млынавэ Ратнэўскага раёна Валынскай вобласці, Украіна) — беларускі настаўнік і палітык.

Біяграфія

Скончыла Кіеўскі дзяржаўны педагагічны інстытут, настаўнік гісторыі, грамадазнаўства.

Працоўную дзейнасць пачала настаўніцай гісторыі Канышчанскай васьмігадовай школы ва Украіне. Працавала настаўніцай гісторыі Выдраніцкай сярэдняй школы, загадчыкам музея ў сяле Картэлісы Ратнэўскага раёна, старшым навуковым супрацоўнікам навукова-экспазіцыйнага аддзела мемарыяльнага комплексу «Брэсцкая крэпасць-герой». Была настаўнікам гісторыі, намеснікам дырэктара па выхаваўчай рабоце, дырэктарам сярэдняй школы № 11 горада Брэста. Займала пасаду дырэктара дзяржаўнай установы адукацыі «Гімназія № 6 г. Брэста імя Маршала Савецкага Саюза Г. К. Жукава».

Выбіралася дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Мае Падзячнае пісьмо Прэзідэнта Рэспублікі Беларусь. Узнагароджана Ганаровай граматай Нацыянальнага сходу Рэспублікі Беларусь, Ганаровай граматай Міністэрства адукацыі Рэспублікі Беларусь.