Гарніерыт

Гарніерыт
Формула	(Ni,Mg)4Si6O15(OH)2·6H2O
Сінгонія	Манаклінная
Колер	Ад блякла-зялёнага да травяна-зялёнага
Колер рысы	Светла-зялёны
Бляск	Цьмяны
Празрыстасць	Непразрысты
Цвёрдасць	2
Спайнасць	Адсутнічае
Шчыльнасць	2,3 - 2,8 г/см³

Гарніерыт (нумеіт) — рэдкі мінерал класа сілікатаў, сумесь водных сілікатаў магнію і нікеля (тальку і нікелевага серпентына).

Названы ў гонар французскага горнага інжынера Жуля Гарн'е (фр. Jules Garnier; 1839-1904), які знайшоў гэты мінерал на Новай Каледоніі ў 1865 годзе.

Уласцівасці

Склад (%): NiO - 15-45;, MgO - да 15; склад мінерала можа моцна адрознівацца. Утвараецца ў кары выветрывання серпентынітаў. Крышталі, якія маюць монаклінную сінгонію, рэдкія. Звычайна гарніерыт знаходзіцца ў выглядзе прамяністых утварэнняў, агрэгатаў гронкападобнай формы.

Не плавіцца. На паветры губляе ваду і можа рассыпацца ў парашок. Раскладаецца ў цёплай салянай кіслаце. Сустракаецца ў асацыяцыі з талькам, сепіялітам, апалам, ліманітам.

Спасылкі

• На Вікісховішчы ёсць медыяфайлы па тэме Гарніерыт
• Гарніерыт у базе мінералаў (англ.)