Гаўлічкаў-Брод

Горад Гаўлічкаў-Брод Havlíčkův Brod Герб Сцяг Краіна Чэхія Край Высачына Раён Гаўлічкаў-Брод Каардынаты 49°36′12″ пн. ш. 15°34′48″ у. д. Кіраўнік Zbyněk Stejskal[d] Першая згадка 12 стагоддзе Ранейшыя назвы Дойчбрад - да 1948 Горад з 1257 Плошча 64,9 км² Вышыня цэнтра 422 м Насельніцтва ▼ 23 549 чалавек (2012) Часавы пояс UTC+1, летам UTC+2 Паштовы індэкс 580 01 Аўтамабільны код J (старыя HB) Афіцыйны сайт muhb.cz (чэшск.) Гаўлічкаў-Брод на карце Чэхіі

Медыяфайлы на Вікісховішчы

Га́ўлічкаў-Брод (чэшск.: Havlíčkův Brod, старая назва Německý Brod, ням.: Deutschbrod) — горад у Краі Высачына Чэхіі. Размешчаны на рацэ Сазаве, у межах Чэшска-Мараўскага ўзвышша.

Насельніцтва 24,3 тыс. жыхароў (2003). Плошча складае 64,9 км².

Развіты машынабудаванне, тэкстыльная і харчовая прамысловасць.

Гісторыя

Упершыню згадваецца ў XII стагоддзі. Атрымаў развіццё ў выніку адкрыцця сярэбраных радовішчаў на Сазаве. Правамі горада валодае з 1257. Насельніцтва горада ў XIII — пачатку XX стст. было пераважна нямецкім (і з 1310 горад быў вядомы як Нямецкі Брод). Падчас Гусіцкіх войнаў насельніцтва горада падтрымала Жыгімонта, таму 22 студзеня 1422 горад быў разбураны Янам Жыжкам (адбудаваны ў 1429). На працягу XVI—XVII з'яўляўся культурным цэнтрам; прамысловасць (галоўным чынам — тэкстыльная) атрымала развіццё ў XIX стагоддзі. Тады ж горад стаў буйным чыгуначным вузлом. Усё нямецкае насельніцтва горада было выселена ў 1945. У тым жа годзе горад атрымаў сваю сучасную назву ў гонар пісьменніка XIX стагоддзя Карэла Гаўлічка-Бораўскага.

У горадзе — навукова-даследчы і селекцыйны інстытут бульбаводства.

Гарады-пабрацімы

• Брыэль, Нідэрланды — з 1985.
• Брыксен, Італія — з 1992.
• Спішка-Нова-Вес, Славакія — з 1995.

Людзі, звязаныя з горадам

• Ян Вацлаў Антанін Стаміц — чэшскі кампазітар (1717—1757), нарадзіўся ў Нямецкім Бродзе.
• Вацлаў Яраслаў Клофач (1868—1942) — чэшскі палітычны дзеяч, нарадзіўся ў Гаўлічкаве Бродзе.
• Вілем Курц-малодшы (чэшск.: Vilém Kurz; 23 снежня 1872 Нямецкі Брод — 25 мая 1945, Прага) — чэшскі піяніст і музычны педагог. Сын педагога і грамадскага дзеяча Вілема Курца (старэйшага). Жонка Курца Ружэна Курцава, дачка Ілана Курцава і ўнук Павел Штэпан таксама былі прыкметнымі музыкантамі.

Спасылкі

• На Вікісховішчы ёсць медыяфайлы па тэме Гаўлічкаў-Брод
• Сайт адміністрацыі горада (чэшск.)