Генадзь Уладзіміравіч Кулажанка
| Генадзь Уладзіміравіч Кулажанка | |
|---|---|
| Дата нараджэння | 28 ліпеня 1952 |
| Месца нараджэння | |
| Дата смерці | 28 чэрвеня 1981 (28 гадоў) |
| Месца смерці | |
| Жонка | Лідзія Яўгенаўна Кулажанка[d] |
| Дзеці | Уладзімір Генадзевіч Кулажанка |
| Альма-матар | |
| Узнагароды і прэміі |
 |
Генадзь Уладзіміравіч Кулажанка (28 ліпеня 1952, г. Нароўля, Гомельская вобласць, БССР — 28 чэрвеня 1981 Правінцыя Герат, Афганістан) — актывіст беларускамоўнага самвыдату ў 1970-х гг., саветнік па справах моладзі ў Афганістане.
Біяграфія[правіць | правіць зыходнік]
Нарадзіўся 28 ліпеня 1952 года ў г. Нароўля Гомельскай вобласці.
У 1969 годзе скончыў сярэднюю школу № 9 г. Мінска, працаваў слесарам-зборшчыкам на заводзе імя Арджанікідзе ў Мінску. У 1975 г. скончыў гістарычны факультэт БДУ імя У.I. Леніна. Пад час вучобы разам з сябрамі: Уладзімірам Арловым, Эдвардам Зайкоўскім, Ігарам Чарняўскім, Юрыем Бандаровічам выступіў арганізатарам, рэдактарам і адным з аўтараў самвыдатаўскага машынапіснага літаратурнага альманаху «Мілавіца». Таксама ў гэты час быў адным з лідараў студэнцкага нефармальнага гуртка «Партыя аматараў піва». За 1974—1976 гг. выйшла 7 нумароў альманаха. У 1976 годзе выданне было канфіскавана КДБ БССР, з аўтарамі правялі тлумачальную работу.
Пасля сканчэння БДУ працаваў дырэктарам школы ў Пастаўскім раёне Віцебскай вобласці. З 1975 года — другі сакратар Пастаўскага РК ЛКСМБ. 3 1976 да 1978 г. вучыўся ў Вышэйшай камсамольскай школе пры ЦК УЛКСМ у Маскве. У 1978—1980 гг. — першы сакратар Пастаўскага РК ЛКСМБ, з ліпеня да снежня 1980 года — загадчык аддзела Віцебскага АК ЛКСМБ. У снежні 1980 года накіраваны саветнікам па справах моладзі ў Афганістан.
У ліпені 1981 года, рухаючыся з аэрапорту на таксі, трапіў у засаду ў ваколіцах г. Герат. Загінуў, прыняўшы бой супраць 45 душманаў. Дакладнае месца пахавання невядома.
Узнагароджаны ордэнам Дружбы народаў (пасмяротна). У г. Паставы ў яго гонар названа вуліца[1].
Зноскі
Літаратура[правіць | правіць зыходнік]
- Арлоў У. ІМЁНЫ СВАБОДЫ. (Бібліятэка Свабоды. ХХІ стагодзьдзе.) — Радыё Свабодная Эўропа / Радыё Свабода, 2007. — 576 с.
- «Собеседник», № 45, 1985.
- «Собеседник», № 44, 1987.
- «Собеседник», № 45, 1987.
- «Мілавіца», № 3, 1975