Горад Стэнлі

З пляцоўкі Вікіпедыя
(Пасля перасылкі з Горад Порт-Стэнлі)
Перайсці да: рух, знайсці
Горад
Стэнлі
Stanley
Порт-Стэнли с воздуха
Сцяг Герб
Сцяг
Герб
Краіна
Рэгіён
Каардынаты
Насельніцтва
2115 чалавек (2006)
Часавы пояс
Афіцыйны сайт
Горад Стэнлі (Вялікабрытанія)
Горад Стэнлі
Горад Стэнлі (Фалклендскія астравы)
Горад Стэнлі

Стэнлі, таксама вядомы як Порт-Стэнлі (англ.: Stanley, Port Stanley) — адміністрацыйны цэнтр і адзіны горад Фалклендскіх (Мальвінскіх) астравоў, валодання Вялікабрытаніі, размешчанага ў паўднёва-заходняй частцы Атлантычнага акіяна, у 500 км ад берагоў Паўднёвай Амерыкі. Знаходзіцца на востраве Усходні Фалкленд (Саледад), на беразе Атлантычнага акіяна. Паводле перапісу 2006 года, у Стэнлі пражывала 2115 чалавек. У 5 км на ўсход ад горада ёсць аэрапорт. У горадзе знаходзяцца музей Фалклендскіх астравоў, рэзідэнцыі губернатара і ўрада, а таксама англіканскі кафедральны сабор.

Назва[правіць | правіць зыходнік]

Назва горада мае некалькі варыянтаў як у англійскай, так і ў іспанскай мове. У англійскай мове ён афіцыйна завецца Стэнлі, аднак часта згадваецца як Порт-Стэнлі, асабліва ў прэсе часоў Фалклендскай вайны, верагодна, у падабенства іншым населеным пунктам на востраве - Порт-Ховарду, Порт-Стывенсу і Порт-Луісу. Гэта пытанне было ўзнятае ў дакладзе брытанскаму дзяржаўнаму сакратару па калоніях у 1956, дзе была вызначаная назва "Стэнлі" як афіцыйная.

У іспанскай мове ён увогуле не мае дакладна вызначанай назвы. Найбольш нейтральным варыянтам з'яўляецца дакладны пераклад з англійскай Пуэрта-Стэнлі. Аднак падчас аргенцінскага кантролю над астравамі ў 1982 выкарыстоўваліся іншыя варыянты: Пуэрта-Рывера (3-4 красавіка), Пуэрта-дэ-ла-Ісла-Саледад (5 красавіка), Пуэрта-дэ-лас-Іслас-Мальвінас (6-20 красавіка), Пуэрта-Архэнтына (выкарыстоўваецца ўрадам Аргенціны з 21 красавіка і да нашага часу).

Гісторыя[правіць | правіць зыходнік]

Спачатку сталіцай астравоў быў Порт-Луіс, які знаходзіцца на поўнач ад Стэнлі. Аднак затым было прынята рашэнне аб перамяшчэнні сталіцы на новае месца. Так у 1843 годзе пачаліся работы па будаўніцтве горада, а ў 1845 годзе ў яго былі перанесеныя дзяржаўныя ўстановы. Горад быў названы ў гонар лорда Стэнлі, які займаў пасаду Дзяржаўнага сакратара па калоніях.

Клімат[правіць | правіць зыходнік]

Клімат Стэнлі
Паказчык Сту Лют Сак Кра Май Чэр Ліп Жні Вер Кас Ліс Сне Год
Абсалютны максімум, °C 26 25 25 18 13 11 12 11 16 18 23 23 26
Сярэдні максімум, °C 14,1 14,0 12,8 10,3 7,4 5,6 5,1 6,0 7,7 9,9 11,9 13,4 9,8
Сярэдняя тэмпература, °C 9,6 9,7 8,6 6,5 4,0 2,5 2,0 2,5 3,8 5,7 7,3 8,8 5,9
Сярэдні мінімум, °C 5,1 5,4 4,5 2,7 0,7 −0,5 −1,2 −1 −0,2 1,5 2,7 4,4 2,0
Абсалютны мінімум, °C 2 −2 −4 −6 −8 −5 −6 −3 −8
Норма ападкаў, мм 63 45 52 50 48 45 41 38 34 36 39 52 544
Крыніца: Falkland Isl climate, Weatherbase

Галерэя[правіць | правіць зыходнік]

Крыніцы[правіць | правіць зыходнік]