Гоцкая калона

Помнік
Гоцкая калона
турэцк.: Gotlar Sütunu
Гоцкая калона ў парку Гюльханэ
Гоцкая калона ў парку Гюльханэ
41°00′52,20″ пн. ш. 28°59′07,60″ у. д.HGЯO
Краіна Flag of Turkey.svg Турцыя
Горад Стамбул
Будаўніцтва IIIIV стагоддзі
Вышыня 18.5 м
Матэрыял белы мармур
Лагатып Вікісховішча Медыяфайлы на Вікісховішчы

Гоцкая калона (турэцк.: Gotlar Sütunu) — рымская трыўмфальная калона IIIIV стагоддзяў. Знаходзіцца ў парку Гюльханэ ў Стамбуле (Турцыя)[1].

Гісторыя[правіць | правіць зыходнік]

Назва 18,5-мятровай калоны з праконескага мармуру, увянчанай капітэллю карынфскага ордара, паходзіць ад лацінскага надпісу на яе пастаменце, у якім ушанавана перамога рымлян над готамі: FORTUNAE REDUCI OB DEVICTUS GOTHOS («З перамогай над готамі фартуна вярнулася да нас»). Гэтым надпісам у свой час замянілі больш стары, таксама на латыні[1]. Дата стварэння і першапачатковае прысвячэнне калоны дакладна не ўсталяваны.

Хутчэй за ўсё, калона была збудавана ў гонар перамог або Клаўдзія II Гоцкага (п. 268—270), або Канстанціна Вялікага (п. 306—337); абодва імператара адзначыліся перамогамі над гоцкімі плямёнамі. Паводле візантыйскага гісторыка Нікіфара Грыгара (1295—1360), калісьці калона была ўвянчана статуяй Візанта з Мегараў, паўлегендарнага заснавальніка Візантыя. Іншыя крыніцы гавораць пра статую багіні Цюхэ, цяпер страчаную.

Іншая версія сцвярджае, што калона значна старэйшая за меркаваную дату стварэння і была ўзведзена яшчэ грэкамі побач з алтаром Афіны ў гонар перамогі над фракійскімі плямёнамі, якія спрабавалі перашкаджаць заснаванню горада.

Ва ўсякім разе, Гоцкая калона ўяўляе сабой найстаражытны помнік рымскай эпохі ў горадзе, які захаваўся цэлым да нашых дзён[2].

Зноскі

  1. а б Mango. — C. 177
  2. THE GOTHS COLUMN (англ.) 

Літаратура[правіць | правіць зыходнік]