Гронкахвост звычайны

Гронкахвост звычайны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Мнаганожкі Клас:  Двухпарнаногія Падклас:  Chilognatha Падклас:  Penicillata Latrielle, 1831 Атрад:  Polyxenida Сямейства:  Polyxenidae Род:  Polyxenus Від:  Гронкахвост звычайны
Міжнародная навуковая назва
Polyxenus lagurus Linnaeus, 1758
Сістэматыка на Віківідах Выявы на Вікісховішчы ITIS   569542 NCBI   52428 EOL   1056525

Гронкахвост звычайны (Polyxenus lagurus) — від мнаганожак класа двухпарнаногіх.

Апісанне

Цела даўжынёй 2-3 мм, жаўтаватае, укрытае мяккай кутыкулай з шыпападобнымі карычневымі шчацінкамі. На канцы цела кутасік — гроначка з доўгіх валаскоў. На галаве пара вусікаў, дзве пары сківіц, простыя вочкі. Тры першыя сегменты тулава маюць па адной, астатнія (за выключэннем трох апошніх) па дзве пары ножак.

Пашырэнне

Пашыраны ў Еўропе і Паўночнай Амерыцы. Жывуць пад камянямі, карой, у гнілой драўніне, лясным подсціле, трапляюцца ў гнёздах рыжых лясных мурашак.

Асаблівасці біялогіі

Кормяцца аднаклетачнымі водарасцямі.

Раздзельнаполыя. Размнажэнне вонкава-ўнутраным апладненнем або шляхам партэнагенезу. Самкі адкладваюць яйцы ў поры глебы, якія высцілаюць шчацінкамі з хваста.

Літаратура

• І. У. Рачкоўская. Гроначнікі // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.