Даніэла Гантухава

З пляцоўкі Вікіпедыя
Jump to navigation Jump to search
Даніэла Гантухава
Тэніс
Фота
 
Месца нараджэння
Рост 181
Вядучая рука правая (двухручны бэкхэнд)
Прафесійная кар'ера 1999–...
Трэнер(ы) Карлас Радрыгес (2014–...)
Прызавыя грошы $10,418,583
(33-е месца за ўвесь час)
Адзіночны разрад
Вынікі (в/п) 557–403
Тытулы 7 WTA, 3 ITF
Найвышэйшы рэйтынг 5 (27 студзеня 2003)
Цяперашні рэйтынг 251 (19 верасня 2016)
Турніры серыі Вялікага шлема
Адкрыты чэмпіянат Аўстраліі паўфінал (2008)
Адкрыты чэмпіянат Францыі 1/8 фіналу (2002, 2006, 2010, 2011)
Уімблдан чвэрцьфінал (2002)
Адкрыты чэмпіянат ЗША чвэрцьфінал (2002, 2013)
Іншыя турніры
Фінал WTA групавы раўнд (2002, 2007)
Алімпійскія гульні 1/8 фіналу (2012)
Парны разрад
Вынікі (в/п) 287–234
Тытулы 9 WTA, 1 ITF
Найвышэйшы рэйтынг 5 (26 жніўня 2002)
Цяперашні рэйтынг 530 (19 верасня 2016)
Турніры серыі Вялікага шлема
Адкрыты чэмпіянат Аўстраліі фінал (2002, 2009)
Адкрыты чэмпіянат Францыі фінал (2006)
Уімблдан чвэрцьфінал (2005)
Адкрыты чэмпіянат ЗША паўфінал (2011)
Змяшаны парны разрад
Вынікі (в/п) 40–14 (74%)
Тытулы 4
Турніры серыі Вялікага шлема
Адкрыты чэмпіянат Аўстраліі перамога (2002)
Адкрыты чэмпіянат Францыі перамога (2005)
Адкрыты чэмпіянат ЗША перамога (2005)
Камандныя турніры
Кубак федэрацый перамога (2002), 36–19
Кубак Хопмана перамога (2005)
Картка абнаўлялася апошні раз: 21 верасня 2016

Да́ніэла Га́нтухава (славацк.: Daniela Hantuchová, вымаўляецца danɪjɛla ˈɦantuxɔva; нарадзілася 23 красавіка 1983) — славацкая тэнісістка. Удзельнічае ў прафесійных турнірах з 1999 года. Першых значных вынікаў дабілася ў 2002, упершыню выйграўшы турнір ЖТА Індыян-Уэлз Мастэрз, перамогшы ў фінале саму Марціну Хінгіс і стаўшыся пераможцам з найніжэйшым рэйтынгам у гісторыі турніру. У тым самым годзе Даніэла дайшла да чвэрцьфіналаў Уімблданскага турніру і Адкрытага чэмпіянату ЗША, па выніках года трапіўшы ў топ-10. А разам са зборнай Славакіі Гантухава стала пераможцай Кубку федэрацыі.

Найвышэйшай пазіцыі ў рэйтынгу — пятае — Даніэла Гантухава дасягнула ў студзені 2003 года пасля выхаду ў чвэрцьфінал Адкрытага чэмпіянату Аўстраліі. Пасля гэтага перамагла яшчэ ў пяці турнірах ЖТА, у тым ліку другі раз на Індыян-Уэлз Мастэрз (2007). У 2008 дайшла да паўфіналу Адкрытага чэмпіянату Аўстраліі, што застаецца яе найлепшым дасягненнем у турнірах Вялікага шлема.

Гантухава — найбольш паспяховая славацкая тэнісістка ўсіх часоў. У чэрвені 2013 пасля перамогі над Лорай Робсан стала 37-й жанчынай Адкрытай эпохі (History of tennis#Open Era), якая дасягнула 500 перамог за кар’еру[1][2].

Даніэла таксама паспяхова выступае ў парным разрадзе. У 2001 яна разам з Леашам Фрыдлем перамагла на Уімблдане, у 2002 з Кевінам Ульетам — на Адкрытым чэмпіянаце Аўстраліі, у 2005 — на Адкрытым чэмпіянаце Францыі з Фабрысам Сантаро і на Адкрытым чэмпіянаце ЗША з Махешам Бхупаці, стаўшыся такім чынам усяго пятай тэнісісткай, якая выйграла ўсе турніры Вялікага шлему ў змяшаных парах. Акрамя таго, у 2002 годзе яна дайшла да фіналу Уімблданскага турніру з Кевінам Ульетам і жаночага фіналу Аўстралійскага чэмпіянату з Аранчай Санчас Вікарыа, у 2006 — да фіналу жаночага Адкрытага чэмпіянату Францыі і ў 2009 — Адкрытага чэмпіянату Аўстраліі (абодва разы — з Ай Сугіямай).

За апошні год Даніэла Гантухова праз траўмы скацілася з 17 пазіцыі (2012) да 48-й. Яе трэнерам з’яўляецца былы іспанскі тэнісіст Эдуарда Нікалас[3].

Зноскі[правіць | правіць зыходнік]

  1. Official WTA profile of Hantuchová (10 красавіка 2009).
  2. WTA — Maria Sharapova closing in on 500 career wins, Tennis World (13 April 2013)
  3. Hantuchova rolls back the years to win Aegon classic. Wimbledon.com (1 верасня 2013).

Спасылкі[правіць | правіць зыходнік]

Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.