Жаночая тэнісная асацыяцыя

З Вікіпедыі, свабоднай энцыклапедыі
(Пасля перасылкі з WTA)
Жаночая тэнісная асацыяцыя
англ.: Women's Tennis Association
Выява лагатыпа
Від спорту тэніс
Заснаванне 1973
Заснавальнік Білі Джын Кінг
Краіна
Лагатып Вікісховішча Медыяфайлы на Вікісховішчы

Жаночая тэнісная асацыяцыя (англ.: Women's Tennis Association, WTA) — кіруючая арганізацыя серыі элітных спаборніцтваў жаночага прафесійнага тэніса, заснаваная ў 1973 годзе амерыканскай тэнісісткай Білі Джын Кінг. Асацыяцыя прызнана ITF; яе аналагам у мужчын з’яўляецца ATP.

Агульная інфармацыя[правіць | правіць зыходнік]

WTA мае некалькі штаб-кватэр: яе асноўны офіс размяшчаецца ў ЗША: у горадзе Сент-Пітэрсберг, штат Фларыда; таксама маецца два рэгіянальныя аддзяленні: еўрапейскае (у Лондане, Вялікабрытанія) і азіяцка-ціхаакіянскае (у Пекіне, Кітай).

Цяпер пад эгідай асацыяцыі праводзяцца спаборніцтвы ў 32 краінах свету з агульным прызавым фондам, які перавышае 96 мільёнаў долараў (размеркаваных на 52 турніры WTA і 4 турніры Вялікага шлема), на якіх задзейнічана да дзвюх з паловай тысяч тэнісістак, якія прадстаўляюць 92 краіны.

WTA арганізуе тэлевізійныя трансляцыі са сваіх спаборніцтваў. Аўдыторыя падобных перадач ацэньваецца ў 5,1 мільёна чалавек (2011).

Гісторыя тура WTA[правіць | правіць зыходнік]

Прафесійны тэніс зараджаецца ў 1920-я гады, калі вядучыя тэнісісты-аматары пачынаюць перыядычна гуляць не проста звычайныя турніры, а серыі спецыяльных выставачных матчаў, куды гледачы маглі б трапіць толькі набыўшы спецыяльны білет. З часам такія выставачныя матчы перарадзіліся спачатку ў асобныя турніры, а потым у цэлыя прафесійныя серыі. Днём нараджэння новай эпохі ў гісторыі тэніса лічыцца 9 кастрычніка 1926 года, калі ў Нью-Ёрку, на крытай арэне «Мэдысан-сквер-гардэн», у прысутнасці 13 тысяч гледачоў, прайшоў афіцыйна першы матч такога статусу[2]. З часам прафесійны тур усё больш убіраў у сябе вядучых тэнісістаў і да 1967 года наспела і была прынята да рэалізацыі канцэпцыя г.зв. «адкрытых турніраў», дзе маглі б удзельнічаць вядучыя тэнісісты незалежна ад іх статусу. Спачатку асацыяцыя лаўн-тэніса Вялікабрытаніі, а паступова і ўсе астатнія федэрацыі падтрымалі дадзеную сістэму. Першым турнірам «Адкрытай эры» стаў чэмпіянат Вялікабрытаніі на хардавых кортах, праведзены ў Борнмуце.

Вырашыўшы адну праблему, арганізатары прафесійных турніраў сутыкнуліся з іншай: тэнісісты ўсё менш хацелі ўдзельнічаць у турнірах без прызавога фонду, а там дзе гэтай праблемы не было, узнялі кампанію за раўнапраўе актывісткі жаночага тура, якія пратэставалі супраць меншых, чым у мужчын, прызавых (напрыклад, на першым Уімблдане, праведзеным па сістэме адкрытых турніраў, суадносіны паміж прызавымі ў мужчынскім і жаночым адзіночных разрадах складалі пяць да двух). Да пачатку 1970-х на большасці турніраў прызавыя выплаты дзе-нідзе зменшыліся да суадносін восем да аднаго.

Узаемныя прэтэнзіі і некалькі паказальных матчаў жанчын супраць мужчын прывялі да нараджэння асобнай жаночай тэніснай асацыяцыі: часам зараджэння WTA лічыцца перыяд незадоўга да Pacific Southwest Championships 1970 года, калі яго арганізатары абвясцілі свой прызавы фонд, зазначыўшы, што за тыя ж дасягненні мужчыны атрымаюць у 12 разоў большыя сумы. Група лідараў жаночых спаборніцтваў спачатку паспрабавала байкатаваць турнір, але затым, пры падтрымцы выдаўца часопіса World Tennis Magazine, Глэдзіс Хелдман, арганізавала і правяла ў Х’юстане паказальны турнір, у якім прынялі ўдзел восем тэнісістак з ліку пратэстуючых. Адным са спонсараў спаборніцтва выступіў тытунёвы брэнд Virginia Slims. Неўзабаве восем удзельніц таго турніру і Хелдман, заручыўшыся падтрымкай VS, арганізавалі ўласны прафесійны тур. З часам у іх серыю, названую Virginia Slims Circuit, уліўся і існаваўшы раней жаночы тур Гран-пры ILTF. Першы сезон VSC складаўся з 19 спаборніцтваў з агульным прызавым фондам у 309 тысяч долараў ЗША[3]. Яшчэ адной прычынай зараджэння асобнага жаночага тура стала заахвочванне ILTF стварэння пад сваёй эгідай сута мужчынскіх турніраў (у тым жа 1970 годзе іх было пятнаццаць).

Катэгорыі тэнісных турніраў WTA
1988 — 2008
1-я катэгорыя 2-я катэгорыя
3-я катэгорыя 4-я катэгорыя
5-я катэгорыя
2009 — ц.ч
Прэм’ер Міжнародная
125k

Фармальным часам стварэння WTA лічыцца чэрвень 1973 года, калі перад Уімблданам у Лондане адбылася спецыяльная сустрэча пад старшынствам Білі Джын Кінг.

У 1975 годзе асацыяцыя падыходзіць да новага этапу ў сваім развіцці: заключаны кантракт на паказ матчаў з амерыканскай тэлерадыёсеткай CBS. Матчы тура ўпершыню паказваюцца па тэлебачанні.

Адзін спонсар замяняе іншага, з часам спонсарскія правы прадаюцца не на ўсе турніры, а толькі на іх частку. У 1979 годзе, пры падтрымцы Avon Products, прызавы фонд Выніковага турніра даведзены да планкі ў 100 000 долараў. Услед за ростам агульных прызавых узрастаюць і даходы вядучых тэнісістак: у 1971 годзе Білі Джын Кінг першай зарабіла за год 100 тысяч долараў у адзіночных спаборніцтвах, а ужо ў 1975 годзе Крыс Эверт переадолела мяжу ў 1 мільён долараў прызавых за кар’еру. Да пачатку 1980-х гадоў тур WTA становіцца флагманам жаночага спорту: на 47 яго спаборніцтвах з агульным прызавым фондам у 7,2 мільёна долараў прымалі ўдзел 250 тэнісістак.

Да канца 1980-х гадоў сітуацыя, пры якой тытульным спонсарам спартыўнага тура з’яўлялася тытунёвая кампанія Philip Morris (вытворца цыгарэт Virginia Slims), стала пагражаць іміджу тура. Забарона на рэкламу тытунёвых вырабаў на асноўных амерыканскіх тэлеканалах прывяла да таго, што турніры тура Virginia Slims не атрымоўвалі эфірнага часу. На пэўны час тытульным спонсарам тура стала кампанія Kraft Foods — хоць яна таксама ўваходзіла ў канцэрн Philip Morris, але з тытунём наўпрост не асацыявалася. Тем не менш у назвах трынаццаці турніраў тура, якія праходзілі на тэрыторыі ЗША, працягвала змяшчацца назва Virginia Slims, а выніковы турнір года працягваў называцца Virginia Slims Finals, што прыводзіла да значных грашовых страт[4]. У 2003 годзе кіраўнік асацыяцыі Лары Скот здолеў заключыць буйнейшы спонсарскі дагавор у гісторыі жаночага спорту: кампанія Sony Ericsson заплаціла за шэсць гадоў тытульнага спонсарства тура WTA 88 мільёнаў долараў[5][6][7]. Узровень прызавых з кожным годам узрастае і на 2012 год даходы вядучых тэнісістак за сезон упершыню перавышаюць 7 мільёнаў долараў за сезон.

Катэгорыі турніраў[правіць | правіць зыходнік]

Выразная градацыя турніраў WTA ў першы час адсутнічала: меў значэнне толькі памер прызавога фонду, на аснове якога размяркоўваліся рэйтынгавыя ачкі.

У 1988 годзе сістэма стала больш жорсткай — WTA раздзяліла ўсё свае рэгулярныя спаборніцтвы на пяць катэгорый (у залежнасці ад прызавога фонду), выразна прапісаўшы для кожнай катэгорыі варыянты памераў турнірнай сеткі. Найслабейшая (пятая) катэгорыя перыядычна скасоўвалася.

У 2009 годзе сістэма была перагледжана: турніры 1-й і 2-й катэгорыі аб’ядналі ў прэм’ер-серыю, дадаткова ўзмацніўшы жорсткасць патрабаванняў па памерах сеткі ў залежнасці ад катэгорыі турніра. Турніры 3-й і 4-й катэгорыі былі аб’яднаны ў міжнародную серыю, для якой быў створаны асобны выніковы турнір. У 2012 годзе была адноўлена серыя турніраў 5-й катэгорыі пад назвай серыі WTA 125 (спаборніцтвы гэтай серыі занялі месца ў тых частак календара, дзе паводле плана асацыяцыі праводзіліся альбо найбольш буйныя спаборніцтвы WTA і турніры Вялікага шлема, альбо ў тыя тэрміны асацыяцыя стварала абавязковы міжсезонны перыяд для вядучых гульцоў).

Сістэма налічэння ачкоў[правіць | правіць зыходнік]

Асацыяцыя выкарыстоўвае выразна вызначаную сістэму ачкавога заахвочвання тэнісістак за любы выйграны матч у прафесійным туры. У залежнасці ад рангу спаборніцтва і стадыі, на якой была атрымана перамога, тэнісістка папаўняе свой рэйтынг пэўнай колькасцю ачкоў. Ачкі за любы турнір улічваюцца ў рэйтынгу на працягу 52 тыдняў з моманту яго завяршэння.

У адзіночным рэйтынгу ўлічваюцца 16 найлепшых турніраў для кожнай тэнісісткі, а ў парным — 11. Таксама на заліковы спіс накладваюцца абмежаванні па колькасці «абавязковых» турніраў: большасць спартсменаў у адзіночным разрадзе яшчэ да пачатку сезона вызначаюць тыя спаборніцтвы, дзе яны павінны будуць згуляць (у выпадку далейшай неяўкі на іх яны скарачаюць колькасць сваіх заліковых турніраў на гэтае спаборніцтва). Гульцы, якія скончылі папярэдні сезон у топ-10 адзіночнага рэйтынгу, на наступны год маюць права згуляць толькі два турніра на спаборніцтвах міжнароднай катэгорыі.

Акрамя спаборніцтваў WTA ў рэйтынгу таксама ўлічваюцца турніры жаночага цыклу ITF.

Каб атрымаць пазіцыю ў рэйтынгу, тэнісістка павінна згуляць альбо мінімум тры турніры, альбо набраць мінімум 10 ачкоў[8].

Таксама створана асобная чэмпіёнская гонка, дзе тэнісісткі ў межах перыяду ад заканчэння аднаго выніковага турніру прэм’ер-серыі да пачатку другога могуць набіраць ачкі для ўдзелу ў гэтым спаборніцтве. У яе парнай версіі ачкі набіраюцца камандамі, а не асобнымі тэнісісткамі.

Результат Тытул Фінал 1/2 1/4 1/8 1/16 1/32 1/64 Квал. К3 К2 К1
Турнір Вялікага шлема
Адзіночнае спаборніцтва 2000 1300 780 430 240 130 70 10 40 30 20 2
Парнае спаборніцтва 2000 1300 780 430 240 130 10 - 40 - - -
Выніковы чэмпіянат А
Адзіночны турнір +750 +330 250 ачкоў за кожны выйграны матч у групе, 125 — за кожны пройграны матч. Бонусныя ачкі за выхад у паўфінал не налічваюцца. -
Парны турнір 1500 1050 690 460 - - - - - - - -
Выніковы чэмпіянат Б
Адзіночны турнір +260 +200 120 ачкоў за кожны выйграны матч у групе, 40 — за кожны пройграны матч. Бонусныя ачкі за выхад у паўфінал не налічваюцца. - - -
Парны турнір Ачкі за спартыўныя рэзультаты не налічваюцца - - -
Рэгулярная прэм’ер-серыя
Premier Mandatory — 96S 1000 650 390 215 120 65 35 10 30 - 20 2
Premier Mandatory — 60S/64S 1000 650 390 215 120 65 10 - 30 - 20 2
Premier Mandatory — 28D/32D 1000 650 390 215 120 10 - - - - - -
Premier 5 — 56S/64Q 900 585 350 190 105 60 1 - 30 22 15 1
Premier 5 — 56S/48Q/32Q 900 585 350 190 105 60 1 - 30 - 20 1
Premier 5 — 28D 900 585 350 190 105 1 - - - - - -
Premier 5 — 16D 900 585 350 190 1 - - - - - - -
Premier — 56S 470 305 185 100 55 30 1 - 25 - 13 1
Premier — 32S 470 305 185 100 55 1 - - 25 18 13 1
Premier — 16D 470 305 185 100 1 - - - - - - -
Рэгулярная міжнародная серыя
International — 32S/32Q 280 180 110 60 30 1 - - 18 14 10 1
International — 32S/16Q 280 180 110 60 30 1 - - 18 - 12 1
International — 16D 280 180 110 60 1 - - - - - - -
Серыя WTA 125k
WTA 125 — 32S 160 95 57 29 15 1 - - 6 - 4 1
WTA 125 — 16D 160 95 57 29 1 - - - - - - -
WTA 125 — 8D 160 95 57 1 - - - - - - - -
Спаборніцтвы жаночага тура ITF
ITF $ 100 000 + H — 32S 150 90 55 28 14 1 - - 6 4 1 -
ITF $ 100 000 + H — 16D 150 90 55 28 1 - - - 6 4 1 -
ITF $ 100 000 — 32S 140 85 50 25 13 1 - - 6 4 1 -
ITF $ 100 000 — 16D 140 85 50 25 1 - - - 6 4 1 -
ITF $ 80 000 + H — 32S 130 80 48 24 12 1 - - 5 3 1 -
ITF $ 80 000 + H — 16D 130 80 48 24 1 - - - 5 3 1 -
ITF $ 80 000 — 32S 115 70 42 21 10 1 - - 5 3 1 -
ITF $ 80 000 — 16D 115 70 42 21 1 - - - 5 3 1 -
ITF $ 60 000 + H — 32S 100 60 36 18 9 1 - - 5 3 1 -
ITF $ 60 000 + H — 16D 100 60 36 18 1 - - - 5 3 1 -
ITF $ 60 000 — 32S 80 48 29 15 8 1 - - 5 3 1 -
ITF $ 60 000 — 16D 80 48 29 15 1 - - - 5 3 1 -
ITF $ 25 000 + H — 32S 60 36 22 11 6 1 - - 2 - - -
ITF $ 25 000 + H — 16D 60 36 22 11 1 - - - 2 - - -
ITF $ 25 000 — 32S 50 30 18 9 5 1 - - 1 - - -
ITF $ 25 000 — 16D 50 30 18 9 1 - - - 1 - - -
ITF $ 15 000 + H — 32S 25 15 9 5 1 - - - - - - -
ITF $ 15 000 + H — 16D 25 15 9 1 - - - - - - - -
ITF $ 15 000 — 32S 12 7 4 2 1 - - - - - - -
ITF $ 15 000 — 16D 12 7 4 1 - - - - - - - -

+H — аплата пражывання.

Лідары паводле колькасці тытулаў[правіць | правіць зыходнік]

Адзіночныя турніры
№ Тэнісістка Тытулы
1 Сцяг ЗША Марціна Наўрацілава 167
2 Сцяг ЗША Крыс Эверт 154
3 Сцяг Германіі Штэфі Граф 107
4 Сцяг ЗША Серэна Уільямс 72
5 Сцяг Аўстраліі Івон Гулагонг-Коўлі 68
6 Сцяг ЗША Білі Джын Кінг 67
7 Сцяг ЗША Ліндсей Дэвенпорт 55
8 Сцяг ЗША Моніка Селеш 53
9 Сцяг ЗША Вінус Уільямс 49
10 Сцяг Швейцарыі Марціна Хінгіс 43
Сцяг Бельгіі Жусцін Энэн 43
Парныя турніры
№ Тэнісістка Тытулы
1 Сцяг ЗША Марціна Наўрацілава 177
2 Сцяг ЗША Розмары Казалс 112
3 Сцяг ЗША Пэм Шрайвер 106
4 Сцяг ЗША Білі Джын Кінг 101
5 Сцяг Беларусі Наталля Зверава 80
6 Сцяг ЗША Ліза Рэйманд 79
7 Сцяг Чэхіі Яна Новатна 76
8 Сцяг Іспаніі Аранча Санчэс Вікарыя 69
Сцяг ЗША Джыджы Фернандэс 69
Сцяг Чэхіі Хелена Сукава 69

У спісе прыведзена дзясятка лідараў за ўсю гісторыю; рэзультаты дзеючых спартсменак выдзеленыя серабрыстым.
Станам на 21 жніўня 2017.

У кінематографе[правіць | правіць зыходнік]

У 2017 году выйшаў мастацкі фільм «Бітва палоў» (англ.: Battle of the Sexes), прысвечаны знакамітаму матчу паміж Біллі Джын і Бобі Рыгсам у перыяд станаўлення заснаванай ёю Жаночай тэніснай асацыяцыі.

Гл. таксама[правіць | правіць зыходнік]

Заўвагі[правіць | правіць зыходнік]

  1. ↑ Deutsche Nationalbibliothek Агульны нарматыўны кантроль — 2012—2016. Праверана 13 кастрычніка 2023.
  2. ↑ Ray Bowers.. Suzanne Lenglen and the First Pro Tour (англ.). The Tennis Server (31 кастрычніка 1999). Архівавана з першакрыніцы 18 жніўня 2011. Праверана 18 кастрычніка 2010.
  3. ↑ The Tour Story. Women's Tennis Association (WTA). Архівавана з першакрыніцы 29 мая 2008. Праверана 12 верасня 2008.
  4. ↑ Hard Courts: Real Life on the Professional Tennis Tours. — New York: Villard Books, 1992. — P. 106—107. — ISBN 978-0-307-80096-1.
  5. ↑ Management Bios: Larry Scott - Chairman & CEO(недаступная спасылка — гісторыя ). Women's Tennis Association. Праверана 31 сакавіка 2009.(недаступная спасылка)
  6. ↑ Dufresne, Chris (2009-03-25). "Larry Scott to head Pac-10 Conference". Los Angeles Times. Праверана 2009-03-31.
  7. ↑ Condotta, Bob (2009-03-24). "Larry Scott named Pac-10 commissioner". The Seattle Times. Архівавана з арыгінала 2009-03-28. Праверана 2009-03-31.
  8. ↑ WTA Rankings FAQ Архівавана 12 сакавіка 2011 года. (англ.)

Спасылкі[правіць | правіць зыходнік]

Узята з "https://be.wikipedia.org/w/index.php?title=Жаночая_тэнісная_асацыяцыя&oldid=4562111"