Джансуг Мікалаевіч Гвінджылія

Джансуг Мікалаевіч Гвінджылія
Асабістыя звесткі
Імя пры нараджэнні	груз. ჯანსუღ ღვინჯილია
Дата нараджэння	14 кастрычніка 1940(1940-10-14)
Месца нараджэння	Дымі[d], Грузінская ССР
Дата смерці	27 лютага 2001(2001-02-27) (60 гадоў)
Месца смерці	Тбілісі, Грузія
Грамадзянства	СССР Грузія
Прафесійная дзейнасць
Род дзейнасці	пісьменнік

Джансуг Мікалаевіч Гвінджы́лія (груз. ჯანსუღ ღვინჯილია; 14 кастрычніка 1940, в. Дымі, Багдадскі раён, Грузія — 27 лютага 2001, Тбілісі, Грузія) — грузінскі пісьменнік, крытык, публіцыст. Лаўрэат Дзяржаўнай прэміі Грузіі (1993).

Біяграфія

Скончыў у 1964 годзе Кутаіскі педагагічны інстытут.

Памёр ад сардэчнага прыступу 27 лютага 2001 на сцэне Тбіліскага тэатра оперы і балета на юбілейным вечары, прысвечаным 80-годдзю пісьменніка Чабуа Амірэджыбі.

Творчасць

Аўтар літаратурна-публіцыстычных зборнікаў «Пачуццё меры ў сучаснай крытычнай думцы» (1979), «Асоба Георгія Саакадзэ» (1980), «Паэтычная энергія» (1983), «Душа-стваральніца» (1985), «Рэальнае жыццё грузіна» (1992, Дзяржаўная прэмія Грузіі 1993), «Краіна — доля Багародзіцы» (1997), у якіх адлюстраваны актуальныя праблемы сучаснай грузінскай літаратуры, праблемы адраджэння і сцвярджэння нацыянальнай самасвядомасці грузінскага народа.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).