Джэм-сэйшн
Джэм-сэйшн[1] (ад англ.: jam session) — сумесная паслядоўная індывідуальная і агульная імправізацыя на зададзеную тэму[2]. Музычнае дзеянне, калі музыканты збіраюцца і іграюць без падрыхтоўкі і пагаднення, або калі ўзяць інструмент і выступіць можа кожны з прысутных.
Правядзенне[правіць | правіць зыходнік]
Звычайна адбываюцца пасля канцэрту, пры сустрэчы на гастролях некалькіх музычных калектываў, калі пасля канцэртаў музыканты збіраюцца разам паіграць і паімправізаваць у свабодным стылі. Такім шляхам яны знаёмяцца адзін з адным як прафесіяналы, дэманструючы сваё майстэрства.
Слова джэм можа быць больш свабодна выкарыстана для абазначэння любой натхнёнай ці імправізаванай часткі музычнага выканання, асабліва ў рок або джаз-музыцы. Джэм-сэйшны звычайна праводзяцца для задавальнення саміх выканаўцаў, а не для публічнага выступлення.
Джэм-сэйшны часта выкарыстоўваюцца для стварэння новага матэрыялу, знаходжання патрэбнай аранжоўкі, або проста для сустрэчы і сумеснай практыкі. Джэм-сэйшны могуць быць заснаваны на старых песнях і формах, узгодненай паслядоўнасці акордаў ці партытуры, прапанаванымі ўдзельнікамі, або могуць быць цалкам імправізацыйнымі. Джэм-сэйшны могуць вар’іравацца ад вельмі свабодных сходаў аматараў да майстэрскіх імправізаваных сесій гуказапісу, прызначаных для публічнага выпуску.
Зноскі
- ↑ Слоўнік беларускай мовы / Нац. акад. навук Беларусі, Ін-т мовы і літ. імя Я. Коласа і Я. Купалы; ўклад. Н. П. Еўсіевіч [і інш]; навук. рэд. А. А. Лукашанец, В. П. Русак. - Мінск : Беларус. навука, 2012. - 916 с. - ISBN 978-985-08-1365-7 : 53 334 р.
- ↑ Толковый словарь Ефремовой. Т. Ф. Ефремова. 2000.
 | |
|---|---|
| Тэмы | |
| Стылі | |
| Выканальніцкія тэхнікі | |
| Фестывалі | |
| Гісторыя | |
Слоўнікі і энцыклапедыі | |
|---|---|
| Нарматыўны кантроль |