Дзмітрый Аляксандравіч Ігнаценка

З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Ігнаценка.
Футбол
Дзмітрый Ігнаценка
Агульная інфармацыя
Поўнае імя Дзмітрый Аляксандравіч Ігнаценка
Нарадзіўся 1 лютага 1995(1995-02-01)[1] (29 гадоў)
Грамадзянства  Беларусь
Рост 189 см
Вага 84 кг[2]
Пазіцыя абаронца
Інфармацыя пра клуб
Клуб Беларусь Лясгас
Клубная кар’ера[* 1]
2012—2019 Беларусь Гомель 35 (1)
2018 →  Беларусь Белшына (Бабруйск) 10 (0)
2020 Беларусь Гарадзея 22 (1)
2021—2022 Беларусь Славія (Мазыр) 13 (1)
2023— Беларусь Лясгас (Гомель) 5 (0)
Нацыянальная зборная[* 2]
2013 Беларусь Беларусь (да 19) 3 (0)
2014—2015 Беларусь Беларусь (да 21) 13 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 лютага 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 8 верасня 2015

Дзмітрый Ігнаценка (нар. 1 лютага 1995, Гомель) — беларускі футбаліст, абаронца гомельскага «Лясгаса».

Клубная кар’ера[правіць | правіць зыходнік]

Кар’еру пачаў у складзе «Гомеля», з 2012 года гуляў за дубль. 13 ліпеня 2014 года дэбютаваў у асноўным складзе «Гомеля» ў матчы супраць «Нафтана», выйшаўшы на замену на 89-й хвіліне. У канцы сезона стаў трывала выходзіць у стартавым складзе гомельскага клуба на пазіцыі цэнтральнага абаронцы. У снежні 2014 года падоўжыў кантракт з «Гомелем»[3].

Сезон 2015 пачаў на лаўцы запасных, а з мая замацаваўся ў якасці асноўнага цэнтральнага абаронцы гамяльчан. У верасні атрымаў траўму, з-за якой выбыў да канца сезона. У лютым 2016 года падоўжыў кантракт з гамяльчанамі[4], аднак з-за траўмы амаль не з’яўляўся на полі, а сезон 2017 увогуле поўнасцю прапусціў. Толькі ў ліпені 2018 года зноў стаў з’яўляцца ў складзе. У жніўні 2018 года быў аддадзены ў арэнду ў бабруйскую «Белшыну»[5]. У снежні 2018 года па заканчэнні арэнды вярнуўся ў «Гомель». Сезон 2019 пачынаў у дублі «Гомеля», пазней стаў прыцягвацца да асноўнай каманды.

У снежні 2019 года, пасля таго як «Гомель» чарговы раз выбыў у Першую лігу, падпісаў кантракт з «Гарадзеяй»[6]. У хуткім часе замацаваўся ў стартавым складзе каманды.

У студзені 2021 года перайшоў у мазырскую «Славію»[7]. Большую частку сезона 2021 прапусціў з-за траўмы. У снежні 2021 года падоўжыў кантракт з мазырскім клубам[8]. У 2022 годзе быў іграком ратацыі. Па заканчэнні сезона пакінуў «Славію»[9] і з-за траўм завяршыў прафесійную кар’еру[10].

У ліпені 2023 года ў якасці аматара далучыўся да гомельскага «Лясгаса» з Другой лігі.

Міжнародная кар’ера[правіць | правіць зыходнік]

Гуляў за зборную Беларусі да 19 гадоў. 13 жніўня 2014 года дэбютаваў у моладзевай зборнай Беларусі ў таварыскім матчы супраць Малдовы (0:1). Усяго правёў 13 матчаў за зборную, у асноўным на пазіцыі цэнтральнага абаронцы.

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2012 дубль Гомель Беларусь 7 0
2013 дубль Гомель Беларусь 26 2
2014 Д1 Гомель Беларусь 10 1
2015 Д1 Гомель Беларусь 13 0
2016 Д2 Гомель Беларусь 3 0
2017 Д1 Гомель Беларусь 0 0
2018 (1) дубль Гомель Беларусь 1 0
2018 (2) Д2 Белшына Беларусь 10 0
2019 Д1 Гомель Беларусь 9 0
2020 Д1 Гарадзея Беларусь 22 1
2021 Д1 Славія Беларусь 2 0
2022 Д1 Славія Беларусь 11 1
2023 (2) Д3 Лясгас Беларусь 5 0

Крыніцы[правіць | правіць зыходнік]

  1. ↑ Dmitri Ignatenko // Transfermarkt — 2000. Праверана 9 кастрычніка 2017.
  2. ↑ а б https://fcslavia.by/ru/player/ignatenko-0
  3. ↑ «Гомель» продлил контракт с Игнатенко (руск.). by.tribuna.com.
  4. ↑ «Гомель» подписал контракты с шестью игроками (руск.). football.by (23 лютага 2016). Праверана 15 лютага 2024.
  5. ↑ Дмитрий Игнатенко перешел в «Белшину» (руск.). football.by (6 жніўня 2018). Праверана 15 лютага 2024.
  6. ↑ В "Городее" снова есть Дмитрий Игнатенко (руск.). football.by (13 снежня 2019). Праверана 15 лютага 2024.
  7. ↑ "Славия" подписала бывшего защитника "Городеи" Игнатенко (руск.). football.by (14 студзеня 2021). Праверана 15 лютага 2024.
  8. ↑ "Славия" продолжит сотрудничество с Дмитрием Игнатенко (руск.). football.by (19 снежня 2021). Праверана 15 лютага 2024.
  9. ↑ Кисляк вернулся (руск.)(недаступная спасылка). pressball.by (9 студзеня 2023). Архівавана з першакрыніцы 13 студзеня 2023. Праверана 13 студзеня 2023.
  10. ↑ Дмитрий Игнатенко: "Кресты" у меня рвались три раза. Дважды — в Минске на Маяковке. Колено было как арбуз!" (руск.). football.by (9 лістапада 2023). Праверана 15 лютага 2024.
Узята з "https://be.wikipedia.org/w/index.php?title=Дзмітрый_Аляксандравіч_Ігнаценка&oldid=4677518"