Дзяржаўны ўніверсітэт імя Ф. Т. Нікалса

Дзяржаўны ўніверсітэт імя Ф. Т. Нікалса
англ.: Nicholls State University
Арыгінальная назва	англ.: Nicholls State University
Заснаваны	1948
Студэнты	6 769
Размяшчэнне	Цібада, Луізіяна, ЗША
Сайт	nicholls.edu
Медыяфайлы на Вікісховішчы

Дзяржаўны ўніверсітэт імя Ф. Т. Нікалса (англ.: Nicholls State University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Цібада у штаце Луізіяна.

Агульная характарыстыка

Першапачаткова заснаваны як малодшы каледж, універсітэт названы ў гонар Фрэнсіса Т. Нікалса, былога губернатара Луізіяны, члена Вярхоўнага суда штата і генерала арміі Канфедэрацыі падчас Грамадзянскай вайны ў ЗША.

Кампус плошчай 1,16 км², які калісьці быў часткай плантацыі Акадыя, знаходзіцца прыкладна ў 80 км на паўднёвы захад ад Новага Арлеана і ў 97 км на паўднёвы ўсход ад Батан-Руж. Самае старое збудаванне ўніверсітэта было завершана ў 1948 годзе і знаходзіцца ў Нацыянальным рэестры гістарычных месцаў ЗША.

Універсітэт знаходзіцца ў геаграфічных межах дэльты ракі Місісіпі і недалёка ад самой ракі і яе прытокаў, водна-балотных угоддзяў Луізіяны і Мексіканскага заліва.

Структура

• Каледж навук і тэхналогій
• Каледж бізнес-адміністравання
• Каледж адукацыі і паводніцкіх навук
• Каледж медсястрынства
• Каледж вольных мастацтваў
• Універсітэцкі каледж
• Аспірантура

Гл. таксама

• Спіс універсітэтаў штата Луізіяна

Спасылкі

• На Вікісховішчы ёсць медыяфайлы па тэме Дзяржаўны ўніверсітэт імя Ф. Т. Нікалса
• Афіцыйная інтэрнэт-старонка ўстановы