Дом Грубіна

Славутасць
Дом Грубіна
53°53′58″ пн. ш. 30°20′03″ у. д.
Краіна	Беларусь
Горад	Магілёў
Статус	Гісторыка-культурная каштоўнасць Беларусі, шыфр 513Е000001
Медыяфайлы на Вікісховішчы

Дом Грубіна — будынак у Шклоўскім пасадзе Магілёва, размешчаны на рагу вуліцы Першамайскай (№ 21) і Пажарнага завулка (№ 1).

Гісторыя

Будынак у пачатку XX ст.

Дом пабудаваны купцом 2-й гільдыі Натанам Грубіным (пам. 1909). У будынку размяшчаліся гасцініцы «Метраполь», «Арлоўская» і аптэка Б. Моўшавіча. У час Першай сусветнай вайны ў гасцініцы пражывалі афіцэры Стаўкі Вярхоўнага галоўнакамандуючага, а пазней бальшавіцкі баявы атрад. Пасля разгрому Карнілаўшчыны, Л. Карнілаў і яго саўдзельнікі генералы А. Дзянікін, А. Лукомскі, С. Маркаў, І. Раманоўскі і іншыя былі арыштаваны і трымаліся пад вартай у гасцініцы «Метраполь», пасля пераведзены ў быхаўскую турму.

Зараз у будынку размяшчаецца аддзяленне «Беларусбанка».

Дом з Пажарнага завулка

Мемарыяльныя дошкі

• Мемарыяльная дошка савецкаму кампазітару, Народнаму артысту СССР Эдуарду Калманоўскаму (2012, скульптар Андрэй Вараб’ёў), які нарадзіўся ў 1923 годзе ў гэтым доме.

Спасылкі

• На Вікісховішчы ёсць медыяфайлы па тэме Дом Грубіна