Дом па Камсамольскай вуліцы, 8а (Магілёў)

Дом па Камсамольскай вуліцы, 8а
	Славутасць
Дом па Камсамольскай вуліцы, 8а
	53°53′52″ пн. ш. 30°20′04″ у. д.HGЯO
Краіна	Беларусь;
Месцазнаходжанне	Магілёў;
Дата заснавання	XIX стагоддзе
Статус	Гісторыка-культурная каштоўнасць Беларусі, шыфр 513Е000001шыфр 513Е000001
	Медыяфайлы на Вікісховішчы

Дом па Камсамольскай вуліцы, 8а — будынак у гістарычным цэнтры Магілёва.

Гісторыя[правіць | правіць зыходнік]

Пабудаваны ў апошняй трэці XIX ст. на Біскупскім завулку як жылы будынак, быў прыватнаўласніцкім. Да 1917 г. верхні паверх быў жылым, на ніжнім знаходзіліся гандлёвыя крамы. У 1920-я гг. тут размяшчаліся кватэра і майстэрня мужчынскага краўца Шапіры^[1].

У гады Вялікай Айчыннай вайны будынак быў пашкоджаны. Адноўлены ў 1948 г. і выкарыстоўваўся як жылы^[1].

У 1999 г. рэканструяваны. Зараз знаходзіцца ў прыватнай уласнасці^[1].

Архітэктура[правіць | правіць зыходнік]

Трохпавярховы цагляны атынкаваны будынак. Несіметрычны, мае мансарду. Аконныя праёмы — лучковыя без абрамленняў на першым і другім паверхах. Правая частка трохпавярховай паловы будынка на дзве восі вылучана рызалітам з дзвярным праёмам. Уваход з літым чыгунным навесам, завершаны атыкам з сухарыкамі^[1].

Дэкор фасада складаецца з падвоеных міжпавярховых цяг на першым і другім паверхах. Фасад завершаны фрызам у выглядзе гзымса. Дах двухсхільны. У левай частцы будынка маецца аднапавярховая прыбудова з аднасхільным дахам^[1].

Зноскі

↑ ^а ^б ^в ^г ^д kropki.by — інтэрактыўная мапа Магілёва (нявызн.)(недаступная спасылка). Архівавана з першакрыніцы 10 верасня 2022. Праверана 24 чэрвеня 2022.

Спасылкі[правіць | правіць зыходнік]

На Вікісховішчы ёсць медыяфайлы па тэме Дом па Камсамольскай вуліцы, 8а (Магілёў)

[kropki-1] а ^б ^в ^г ^д kropki.by — інтэрактыўная мапа Магілёва (нявызн.)(недаступная спасылка). Архівавана з першакрыніцы 10 верасня 2022. Праверана 24 чэрвеня 2022.

[1]