Ева Аке
| Ева Аке | |
|---|---|
 | |
| Дата нараджэння | 4 верасня 1855[1][2][…] |
| Месца нараджэння | |
| Дата смерці | 23 сакавіка 1929[1] (73 гады) |
| Месца смерці | |
| Месца пахавання | |
| Грамадзянства |
 Швецыя,  Фінляндыя |
| Бацька | Zachris Topelius[d] |
| Муж | J.A.G. Acke[d] |
| Род дзейнасці | мастачка |
 Медыяфайлы на Вікісховішчы | |
Ева Аке (шведск.: Eva Acke, народжаная Eva Maria Topelius; 4 верасня 1855 — 23 сакавіка 1929) — шведская мастачка, спецыялізавалася ў працы акварэллю.
Біяграфія[правіць | правіць зыходнік]
Нарадзілася 4 верасня 1855 года ў фінскім горадзе Уусікаарлэпюу (швед. Нюкарлебю) у шведскамоўнай суполцы. Яе бацькам быў пісьменнік, журналіст і гісторык Сакарыас Тапеліус, чалавек ліберальных нораваў[5].
Яшчэ ў дзяцінстве Ева пазнаёмілася з многімі вядучымі дзеячамі культуры. Вучылася яна спачатку дома, затым наведвала школу для дзяўчынак у Хельсінкі. Першыя ўрокі мастацтва яна атрымала ў 1871 годзе ў Стакгольме. Працягвала навучанне ў школе малявання Finnish Art Association (зараз універсітэт мастацтваў у Хельсінкі). Пазней яна вучылася ў прыватным парадку ў Карла Мелера у Капенгагене і Луіджы Прэмацы ў Санкт-Пецярбургу. У 1884 годзе яна суправаджала бацьку ў паездцы па Італіі, дзе пісала акварэльныя пейзажы[6].
Улетку некалькі гадоў знаходзілася на Аландскіх астравах, дзе была ўдзельніцай фінска-шведскай мастацкай калоніі Önningebykolonin.
У яе было шмат сяброў, у ліку якіх мастакі Ёхан Аке і Ганна Вэнберг. Разам з Ёханам Ева прыехала ў дом бацькі і прасіла яго ўхваліць іх шлюб. Яны пажаніліся ў 1891 годзе і пераехалі ў Упсалу, дзе Ёхан аднаўляў творы мастацтва ва Упсальскім саборы. Некаторы час яны працягвалі наведваць мастацкую калонію Önningebykolonin, але іх наведванні паступова пачалі зыходзіць на не. Наступныя гады муж і жонка праводзілі паміж Фінляндыяй і Швецыяй, пакуль яе бацька не памёр, і яны астатні час жылі і працавалі ў Швецыі[6].
У 1901 годзе Ёхан і Ева пасяліліся ў шведскім горадзе Ваксхальм. У сям’і не было сваіх дзяцей, і падчас паездкі ў Італію яны сустрэлі італьянскага хлопчыка Фаўста Падавіні, якога ўсынавілі ў 1903 годзе. Фаўста ўзяў прозвішча Аке, с дзяцінства займаўся гімнастыкай і ў 1920 годзе на летніх Алімпійскіх гульнях у Антверпене стаў алімпійскім чэмпіёнам[7].
У 1914 Ёхан і Ева змаглі дазволіць сабе пабудаваць уласную летнюю вілу Torsvi ў Стакгольмскім прыгарадзе Nynäshamn[7].
Мастакі працавалі разам, аддаючы перавагу Ёхану. Пасля яго смерці ад хваробы сэрца ў 1924 годзе Ева працягвала маляваць і выстаўляцца як у Швецыі, так і ў Фінляндыі.
Памерла 23 сакавіка 1929 года ва ўласным доме ў Nynäshamn. Была пахавана ў Стакгольме[6].
Зноскі
- ↑ а б в 18550904 Acke f. Topelius, Eva Maria // Sveriges dödbok Праверана 6 студзеня 2019.
- ↑ а б Register of the Artists' Association of Finland
- ↑ Acke, EVA MARIA // https://www.svenskagravar.se/gravsatt/737b1ee1-89ab-4d66-b209-ed434611a125 — Svenskagravar.se. Праверана 22 красавіка 2023.
- ↑ Eva Topelius Acke ★ 4/9 1855 ✝ 23/3 1929 // (unspecified title) Праверана 22 красавіка 2023.
- ↑ Artists of the World Online, Allgemeines Künstlerlexikon Online (нем.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter.
- ↑ а б в Eva Acke | - Sällskapet Nya Idun
- ↑ а б Eva Acke — Hellenica World.
Літаратура[правіць | правіць зыходнік]
- Konttinen, Riitta. Konstnärspar Schildts, Helsinki. Pgs.111-126. ISBN 951-50-0543-4.
Спасылкі[правіць | правіць зыходнік]
- Eva Maria ACKE (шведск.)
- Eva TOPELIUS-ACKE (англ.)
 Ева Аке — продкі |
|---|
Тэматычныя сайты | |
|---|---|
| Слоўнікі і энцыклапедыі | |
| Нарматыўны кантроль |