Ежы Дулевіч

Ежы Дулевіч
Род дзейнасці	фатограф
Дата нараджэння	14 студзеня 1897(1897-01-14)
Месца нараджэння	Санкт-Пецярбург, Расійская імперыя
Дата смерці	25 жніўня 1958(1958-08-25) (61 год)
Месца смерці	Быдгашч, Куяўска-Паморскае ваяводства, Польшча
Месца пахавання	Навафарныя могілкі ў Быдгашчы[d]
Член у	Саюз польскіх мастацкіх фатографаў[d]

Юры (Ежы) Дулевіч (польск.: Jerzy Dulewicz; 14 студзеня 1897, Санкт-Пецярбург — 25 жніўня 1958, Быдгашч) — польскі фотамайстар, уганараваны званнем Artiste FIAP (AFIAP). Сябра, заснавальнік Саюза фатографаў горада Быдгашч.

Біяграфічныя звесткі

Беразвецкая царква каля 1934 года на фота Ежы Дулевіча

Юры Дулевіч нарадзіўся ў Санкт-Пецярбургу, пераехаў у Глыбокае ў 1920 годзе. Працаваў настаўнікам школы ў Залессі. Пакінуў шмат мастацкіх фотаздымкаў Глыбокага і ваколіц 20-х гадоў ХХ стагоддзя, якія часта рэпрадукаваліся ў газетах, часопісах, выдаваліся як паштоўкі, імі была праілюстраваная класічная кніга Отана Гедэмана «Głębokie» (Глыбокае).

З 1930 года жыў у Вільні. Пасля заканчэння Другой сусветнай вайны ён пасяліўся ў Быдгашчы — звязаны з куяўска-паморскім фатаграфічным асяроддзем, жыў і працаваў у Быдгашчы да самай смерці. Асаблівае месца ў яго творчасці займала архітэктурная, дакументальная і пейзажная фатаграфія. Ежы Дулевіч быў аўтарам і суаўтарам шматлікіх фотавыставак; аўтарскія і калектыўныя. Ён прымаў актыўны ўдзел у Міжнародных фотасалонах, арганізаваных (у тым ліку) пад патранажам FIAP, атрымаў шэраг узнагарод, дыпломаў і грамат. У 1949 годзе быў прыняты ў члены Асацыяцыі польскіх мастацкіх фатографаў. Быў сузаснавальнікам Быдгашцкага кола ZPAF. Наступствам удзелу Ежы Дулевіча ў Міжнародных салонах фатаграфіі (пад патранажам FIAP) стала (пасмяротна) узнагароджанне Artiste FIAP (AFIAP) Міжнароднай федэрацыяй фотамастацтва FIAP (якая ў цяперашні час знаходзіцца ў Люксембургу).

Памёр 25 жніўня 1958 года, пахаваны на могілках у Быдгашчы. У 2007 годзе яго імя было ўнесена ў спіс Алеі Заслужаных горада Быдгашч.