Перайсці да зместу

Ерэванскі метрапалітэн

З Вікіпедыі, свабоднай энцыклапедыі
Ерэванскі метрапалітэн
Інфармацыя
Краіна  Арменія
Горад Ерэван
Дата адкрыцця 7 сакавіка 1981
Даўжыня ліній 12,1 км
Колькасць станцый 10
Колькасць ліній 1 (падзяляецца на 2)
Пасажырапаток за дзень 81000
Пасажырапаток за год 29587000
Схема ліній
mini
Ерэванскае метро
Давідашэн
Назарбекян
Ачапняк
мост праз р. Храздан
Барэкамуцюн
Баграмян
Ерытасардакан
Анрапетуцян Храпарак
Заравара Андраніка
Петак
Давіда Сасунскага
ПТА «Давіда Сасунскага»
вуліца Гарэгіна Нждэ
вуліца Гранта Варданяна
Гарцаранаін
вуліца Таманцінері
Шэнгавіт
Гарэгін Нждэ Храпарак
ТЧ-1 «Шэнгавіт»
Чарбах

Ерэванскі метрапалітэн, поўная назва Ерэванскі метрапалітэн імя Карэна Дземірчана (арм.: Կարեն Դեմիրճյանի անվան Երևանի Մետրոպոլիտեն) — лінія метрапалітэна ў Ерэване (Арменія).

Будаўніцтва пачата ў 1972 годзе як лінія метратрама, па ходзе перапланавана ў метрапалітэн.

Адкрыццё адбылося 7 сакавіка 1981 года.

Налічвае 10 станцый, размешчаных на адной лініі і адной аднакалейнай галіне «Шэнгавіт» — «Чарбах», агульная працягласць ліній — 12,1 км. Лінію абслугоўвае адзінае электрадэпо «Шэнгавіт».

Рух цягнікоў па асноўнай лініі ад станцыі «Дружба» да станцыі «Плошча Гарэгіна Нждэ» ажыццяўляецца па звычайнай схеме. Ад станцыі «Шэнгавіт» да станцыі «Чарбах» ходзіць цягнік-човен. Для гэтага цягніка не прадугледжана асобнай каляі, таму выкарыстоўваецца правая пры руху ад цэнтра каляя. Цягнік ад станцыі «Чарбах» прыбывае на станцыю «Шэнгавіт» у інтэрвале паміж прыбыццём цягнікоў па асноўнай лініі. Пасля гэтага машыніст пераходзіць у іншую кабіну і цягнік адпраўляецца назад на станцыю «Чарбах».

Аб’явы ў метро гучаць на армянскай і англійскай мовах, назвы станцый напісаны на армянскай і рускай мовах, шыльды з указаннем кірункаў руху цягнікоў напісаны на армянскай, рускай і англійскай мовах. Пасля роспуску СССР у эмблеме ерэванскага метрапалітэна літара «М» заменена на армянскую літару «Մ».

Рухомы састаў

[правіць | правіць зыходнік]

На лініі выкарыстоўваюцца двухвагонныя цягнікі, якія складаюцца з галаўных вагонаў тыпу 81-717, то бок без прамежкавых вагонаў тыпу 81-714, якія знаходзяцца ў дэпо на кансервацыі. З верасня 2011 года пачалася мадэрнізацыя вагонаў 81-717.

На адгалінаванні «Шэнгавіт» — «Чарбах» выкарыстоўваецца аднавагонны цягнік.

Зноскі