Ефрасіння Савельеўна Зянькова

Ефрасіння Савельеўна Зянькова
Ефрасіння Савельеўна Зянькова
Дата нараджэння	22 снежня 1923
Месца нараджэння	Шумілінскі раён, Віцебская вобласць, Беларусь;
Дата смерці	19 красавіка 1984 (60 гадоў)
Месца смерці	Віцебск, Віцебская вобласць, Беларуская ССР, СССР;
Месца пахавання	Мазурынскія могілкі[d];
Грамадзянства	СССР;
Партыя	КПСС;
Бітвы/войны	Вялікая Айчынная вайна;
Узнагароды і прэміі	; ганаровы грамадзянін горада Віцебска (1976)

Ефрасіння (Фруза) Савельеўна Зянькова, (22 снежня 1923(1923-12-22), Шумілінскі раён, Віцебская вобласць — 19 красавіка 1984(1984-04-19), Віцебск) — адна з кіраўніц камсамольска-маладзёжнага падполля ў Віцебскай вобласці ў Вялікую Айчынную вайну, Герой Савецкага Саюза (1958).

Біяграфія

Да вайны працавала на віцебскай фабрыцы «Сцяг індустрыялізацыі».

Пасля акупацыі Віцебшчыны нямецка-фашысцкімі захопнікамі вярнулася ў родную вёску, наладзіла сувязь з партызанскім атрадам імя К. Я. Варашылава Сіроцінскай брыгады, выконвала яго заданні, вяла разведку. На пачатку 1942 года ўзначаліла Обальскае камсамольскае падполле. З верасня 1943 года ў партызанскай брыгадзе імя Леніна.

У 1944—1967 гадах на камсамольскай і адміністрацыйнай рабоце. Працавала ў ваенкамаце горада Віцебска.

Ушанаванне памяці

У гонар Ефрасінні Зяньковай названа вуліца у Віцебску.

Гл. таксама

Літаратура

Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

Обаль, музей — фатаграфіі ад 13.01.2015 года і інфармацыя да іх